મગુનાના શખ્સ વિરુદ્ધ મહેસાણા તાલુકા પોલીસ સ્ટેશનનો પ્રોહિબીશનનો ગુનો નોંધાયો હતો
મહેસાણા એલસીબીની ટીમે આરોપીને ઝડપી મહેસાણા તાલુકા પોલીસને સોંપી કાયદેસરની કાર્યવાહી હાથ ધરી
ગરવી તાકાત, મહેસાણા તા. 23 ( Sohan Thakor ) – મહેસાણા જિલ્લામાં વિદેશી શરાબની હેરાફેરીમાં સંડોવાયેલા તેમજ પ્રોહિબીશનના ગુનામાં નાસતા ફરતાં આરોપીઓને ઝડપી પાડવા માટે મહેસાણા લોકલ ક્રાઇમ બ્રાન્ચની મહેસાણાના નુગર બાયપાસ સર્કલ પાસેથી મહેસાણા તાલુકા પોલીસ સ્ટેશનમાં પ્રોહિબીશનના ગુનામાં ફરાર મગુનાના શખ્સને ઝડપી પાડી મહેસાણા તાલુકા પોલીસને સોંપી કાયદેસરની કાર્યવાહી હાથ ધરી છે. 
મહેસાણામાં પ્રોહિબીશનના ગુનામાં સંડોવાયેલા તેમજ પોલીસ પકડથી નાસતાં ફરતાં શખ્સોને ઝડપી પાડવાના મહેસાણા જિલ્લા પોલીસવડા અચલ ત્યાગીએ આપેલા આદેશ મુજબ મહેસાણા લોકલ ક્રાઇમ બ્રાન્ચના પી.આઇ એસ.એસ.નીનામાના નેતૃત્વ હેઠલ મહેસાણા એલસીબી પીએસઆઇ એમ.ડી.ડાભી, હેકો. વિજયસિંહ, કિરણજી, લાલાજી, પીસી. જયસિંહ, રાજેન્દ્રસિંહ, અક્ષયસિંહ સહિતનો સ્ટાફ મહેસાણા ટાઉન વિસ્તારમાં પેટ્રોલીંગ કરી રહ્યાં હતા.
તે દરમિયાન હેકો. વિજયસિંહ તથા પીસી. અક્ષયસિંહને ખાનગી બાતમી મળી હતી કે મહેસાણા તાલુકા પોલીસ સ્ટેશનમાં પ્રોહિબીશનના ગુનામાં ફરાર આરોપી ઝાલા સિદ્ધરાજસિંહ ગિરીશસિંહ રહે. મગુના દરબારગઢવાળો હાલમાં મહેસાણા નુગર સર્કલ પાસે ચાની કીટલી પાસે ઉભો છે જે બાતમીના આધારે મહેસાણા એલસીબી ઘટના સ્થળે પહોંચી આરોપીને કોર્ડન કરી ઝડપી પાડ્યો હતો.
