ગરવી તાકાત પાટણ : પાટણ જિલ્લામાં નામદાર કોર્ટના આદેશ અનુસાર, આજે ₹ 51 લાખની કિંમતનો વિદેશી દારૂનો જથ્થો નષ્ટ કરવામાં આવ્યો સિધ્ધપુર નજીક આવેલા સુજાનપુર હેલીપેડ પર બુલડોઝર ફેરવીને આ કાયદેસરની કાર્યવાહી હાથ ધરવામાં આવી આ દારૂનો જથ્થો પાટણ જિલ્લાના ચાર પોલીસ મથકો – ચાણસ્મા, હારીજ, સમી અને પાટણ બી ડિવિઝન દ્વારા વિવિધ કેસોમાં પકડવામાં આવ્યો.
કોર્ટના હુકમ બાદ તેને નાશ કરવા માટે સુજાનપુર હેલીપેડ ખાતે લાવવામાં આવ્યો દારૂના જથ્થાને નષ્ટ કરવાની આ સમગ્ર પ્રક્રિયા સિધ્ધપુર અને રાધનપુરના ડીવાયએસપી (DYSP) અધિકારીઓની સીધી દેખરેખ હેઠળ કરવામાં આવી ગેરકાયદેસર દારૂના બોક્સ પર બુલડોઝર ફેરવીને તેનો સંપૂર્ણ નાશ કરાયો.
આ કાર્યવાહી દરમિયાન સમી, હારીજ, ચાણસ્મા અને પાટણના મામલતદાર સહિત અન્ય સંબંધિત સરકારી અધિકારીઓ પણ હાજર રહ્યા. પાટણ જિલ્લા પોલીસ દ્વારા રાજ્યમાં દારૂબંધીના કાયદાનું કડક પાલન સુનિશ્ચિત કરવાની પ્રતિબદ્ધતાના ભાગરૂપે આ કાર્યવાહી કરવામાં આવી.
