કડી શહેરના મધ્ય બજારમાં જવેલર્સ ની દુકાનમાં લૂંટનો પ્રયાસ નીષ્ફળ

ગરવી તાકાત મેહસાણા:  કડી શહેરની મુખ્ય બજારમાં શનિવારે બપોરે 12 વાગ્યાની આસપાસ ભવાની જવેલર્સ ને લૂંટવાની નીષ્ફળ ઘટના બની હતી. પતિ પત્નીએ  ગ્રાહક ના વેશમાં આવી જવેલર્સ માલિકને લુંટવાનો પ્રયાસ કર્યો હતો પરંતુ જવેલર્સ માલિકની સજાગતા થી લૂંટ ની ઘટના નીષ્ફળ નીવડી હતી.આરોપી ભાગી રહ્યો હતો ત્યારે બાજુની સાંઈ મોબાઈલની દુકાનના કર્મચારી ધવલ ગજજર(DC) દ્વારા હિમ્મત કરી આરોપીને ઝડપી લઇ આરોપીને પોલીસ ને સોંપવામાં આવ્યો હતો.

શનિવારે બપોરે આશરે 12 વાગ્યા આસપાસ દંપતી તેમની દુકાનમાં પ્રવેશી સોનાં ચાંદીના દાગીના લેવાનું બહાનું કાઢી મોકો જોઈ જવેલર્સ માલિકની આંખમાં મરચું નાખી લૂંટ નો પ્રયાસ કર્યો હતો પરંતુ માલિકની સમય સૂચકતા વાપરી બૂમાબૂમ કરી લુંટારૂઓ ના પ્રયાસ ને નીષ્ફળ બનાવ્યો હતો. પલ્સર બાઈક લઈને આવેલ લૂંટારૂ દંપતી ભાગી રહ્યું હતું ત્યારે સાઈ મોબાઈલ ના કર્મચારી ધવલ ગજજર ઉર્ફે ડી.સી. બહાર ઊભા હતા ત્યારે તેમણે જવેલર્સ માલિક બહાર આવી બૂમરાડ મચાવતા અને તેમની આંખોમાં કઈક પડેલું જોતા તેઓ અજુગતું બન્યું હોવાનું જાણતા ભાગી રહેલ લૂંટારૂ દંપતી ની રોડ ઉપર દોડી હિંમતભેર એક લૂંટારૂને  ઝડપી પાડયો હતો.ઝડપાયેલા લૂંટારૂને પોલીસ ને સોંપ્યો હતો.પોલીસે લૂંટારુંઓ ની પૂછતાછ કરતા તે તાલુકાના ઇન્દ્રાદ ગામના ઠાકોર કિશન ઉર્ફે ભૂપત અમરતજી અને તેની પત્ની ઠાકોર સેજલ કિશનજી હોવાનું ખુલ્યું હતું  કડી પોલીસે જવેલર્સ માલિકની ફરિયાદના આધારે ગુનો નોંધવાની તજવીજ હાથ ધરી હતી.

શહેરની બજારમાં પટેલ ભુવન પાસે આવેલ ભવાની જવેલર્સ માં લૂંટ કરવા આવેલ દંપતી માલિકની આંખમાં મરચું નાખી લૂંટ નો પ્રયાસ કર્યો હતો પરંતુ જવેલર્સ માલિકની સમય સુચકતાથી લૂંટારૂઓને પ્લાન નિષ્ફળ ગયો હતો જેથી તેઓ તેમના પલ્સાર બાઈક લઈને ભાગી રહ્યા હતા ત્યારે સાઈ મોબાઈલ નામની દુકાનના કર્મચારી ધવલ ગજજર ઉર્ફે ડી.સી. બહાર નીકળ્યા હતા તેમણે જવેલર્સ માલિકને બૂમાબૂમ અને દંપતીને ભાગતા જોતા હિંમતભેર લુંટારૂઓ ના બાઈક પાછળ દોડી તેમને પકડી લીધા હતા.યુવાનની હિમ્મત થી લુંટારૂઓ પોલીસ પકડમાં આવી જતા લોકોએ ધવલ ગજજર ઉર્ફે ડી.સી.ની હિંમતને બિરદાવી હતી

તસવિર અને આહેવાલ :જૈમિન સથવારા – કડી