ગરવી તાકાત દિયોદર : દિયોદર પોલીસ સ્ટેશન વિસ્તારના ફોરણા ગામની સીમમાં પેરોલ-ફર્લો સ્કોડ, વાવ-થરાદે મોટી કાર્યવાહી કરી પોલીસે વીડ વિસ્તારમાં આવેલા એક ખેતરમાંથી રૂ. 9.74 લાખનો વિદેશી દારૂ અને બિયરનો જથ્થો ઝડપી પાડ્યો. આ દરોડા દરમિયાન કુલ 3596 બોટલો વિદેશી દારૂ અને બિયર ટીન મળી આવ્યા જેની કુલ કિંમત રૂ. 9,74,976/- આંકવામાં આવી દારૂ ઉપરાંત, દારૂની હેરાફેરીમાં ઉપયોગમાં લેવાયેલી સ્વીફ્ટ,
મહેન્દ્રા બોલેરો અને અલ્ટો કેટેન ગાડીઓ પણ જપ્ત કરવામાં આવી. જેની કિંમત રૂ. 11,50,000/- આમ, કુલ રૂ. 21,24,976/- નો મુદ્દામાલ કબજે લેવાયો. પેરોલ-ફર્લો સ્કોડ, વાવ-થરાદનો પોલીસ સ્ટાફ દિયોદર પોલીસ સ્ટેશન વિસ્તારમાં પેરોલ, ફર્લો અને વચગાળાના જામીન જમ્પ કરનાર તેમજ નાસતા-ફરતા આરોપીઓને પકડવા માટે ખાનગી વાહનમાં નાઈટ પેટ્રોલીંગ કરી રહ્યો.
તે દરમિયાન ફોરણા ગામેથી તેમને ખાનગી રાહે ચોક્કસ બાતમી મળી. બાતમીના આધારે, ફોરણા ગામની વીડ વિસ્તાર સીમમાં રહેતા ભમરસિંહ વાઘેલાના કબજા ભોગવટાના ખેતરમાં રેડ કરવામાં આવી પોલીસે આરોપી ભમરસિંહ વાઘેલા વિરુદ્ધ દિયોદર પોલીસ સ્ટેશન ખાતે પ્રોહીબીશન એક્ટ હેઠળ કાયદેસરની કાર્યવાહી હાથ ધરી.
