ગરવી તાકાત અરવલ્લી : અરવલ્લી જિલ્લાના મોડાસા શહેરમાં સ્થાનિક સ્વરાજ્યની ચૂંટણી પહેલા રાજકીય ગરમાવો તેજ બન્યો મોડાસા નગરપાલિકા વિસ્તારમાં આવેલી પાવન સિટી કો-ઓપરેટિવ સોસાયટીના રહીશોએ ચૂંટણી બહિષ્કારની ચીમકી ઉચ્ચારી સોસાયટીમાં ચૂંટણી બહિષ્કાર અને કોઈપણ રાજકીય પક્ષે ચૂંટણી પ્રચાર માટે પાવન સિટીમાં પ્રવેશ કરવો નહીં તેવા બેનરો લગાવવામાં આવ્યા રહીશોનો આક્ષેપ કે નગરપાલિકા દ્વારા 100 ટકા ટેક્સ વસૂલવામાં આવે પરંતુ તેની સામે મૂળભૂત સુવિધાઓ પૂરી પાડવામાં નગરપાલિકા નિષ્ફળ રહી.
આ બેનરો નગરપાલિકા પ્રત્યેના તેમના ઊંડા અસંતોષને દર્શાવે સોસાયટીમાં 564 જેટલા ફ્લેટ હોવા છતાં સ્ટ્રીટ લાઇટનો અભાવ, પાણીની સમસ્યા, શેરી સફાઈનો અભાવ અને રખડતા ઢોરની સમસ્યાઓ યથાવત આ સમસ્યાઓથી રહીશો ત્રાહિમામ પોકારી ઉઠ્યા રહીશોનું કહેવું કે તેઓ વારંવાર નગરપાલિકામાં રજૂઆતો કરે પરંતુ તેમને માત્ર ખાતરીઓ જ મળે અને કોઈ નક્કર કામગીરી થતી નથી.
વધુમાં, રહીશોનો આક્ષેપ કે વોર્ડના સભ્યો કે નેતાઓ માત્ર ચૂંટણી સમયે જ દેખાય અને ચૂંટણી પછી પાંચ વર્ષ સુધી ગાયબ થઈ જાય આ પરિસ્થિતિથી કંટાળીને પાવન સિટી સોસાયટીના રહીશોએ આક્રમક વલણ અપનાવ્યું સોસાયટીના રહીશોએ “સુવિધા નહીં તો વોટ પણ નહીં” ના સૂત્રોચ્ચાર સાથે ચૂંટણીનો બહિષ્કાર કરવાનો નિર્ણય લીધો જો સમયસર તેમની સમસ્યાઓનું નિરાકરણ નહીં આવે, તો આ રોષ મતપેટી દ્વારા વ્યક્ત થશે તેવી ચીમકી પણ ઉચ્ચારવામાં આવી.
