ગરવી તાકાત પાટણ : પાટણ પોલીસ હેડક્વાર્ટર્સમાં કેન્ટીન મેનેજર અને સ્ટોર અધિકારી તરીકે ફરજ બજાવતા હેડ કોન્સ્ટેબલ પ્રતાપભાઇ પલાસે આજે પાટણની જ્યુડિશિયલ કોર્ટમાં સરેન્ડર કર્યું તેમની સામે રૂ. 8,38,610ની ઉચાપતનો આરોપ છે. આરોપી પ્રતાપભાઇ પલાસે જાન્યુઆરી 2022થી ડિસેમ્બર 2023 દરમિયાન પોતાની કેન્ટિન મેનેજરની ફરજ દરમિયાન ગેરરીતિ આચરી હતી.
તેમણે પોતાની પત્નીની મદદથી પોલીસ વેલ્ફેર દ્વારા ખરીદવામાં આવેલા ફટાકડાની ખરીદી અને વેચાણના નફાની રકમ પોલીસ વેલ્ફેર ફંડમાં જમા કરાવી ન હતી. પાટણના PI કે.જે.ભોયેએ 3 જુલાઈ 2024ના રોજ આરોપી વિરુદ્ધ ઠગાઈનો ગુનો નોંધ્યો અને આરોપીએ આ રકમ પોતાના અંગત ઉપયોગમાં વાપરી નાખી હતી અને સરકાર સાથે વિશ્વાસઘાત કર્યો હતો.
ગુનો નોંધાયા બાદ આરોપી ફરાર થઈ ગયો હતો સિદ્ધપુરના DySP કે.કે.પંડ્યા આ કેસની તપાસ કરી રહ્યા છે. આરોપીના સરેન્ડર બાદ તેમના PSI અને રાઇટરે કોર્ટમાંથી આરોપીનો કબજો મેળવ્યો છે. વકીલ એસ.પી.નિમાવતના જણાવ્યા મુજબ, પોલીસ હવે આરોપીના રિમાન્ડ માંગી શકે.
