આણંદ જિલ્લામાં મહિસાગર નદીમાં ન્હાતી વખતે એક જ પરિવારના ચાર લોકો ડૂબી ગયા
બધા લોકો નદીમાં તરી રહ્યા હતા, જ્યારે પરિવારનો એક સભ્ય પાણીમાં ડૂબવા લાગ્યો અને તેને બચાવવાનો પ્રયાસ કર્યો, ત્યારે બધા ઊંડા પાણીમાં ડૂબી ગયા
ગરવી તાકાત, આણંદ, તા 7 – ગુજરાતના આણંદ જિલ્લામાં મહિસાગર નદીમાં ડૂબી જવાથી એક જ પરિવારના ચાર લોકોના મોત થયા છે. બધા લોકો નદીમાં તરી રહ્યા હતા, જ્યારે પરિવારનો એક સભ્ય પાણીમાં ડૂબવા લાગ્યો અને તેને બચાવવાનો પ્રયાસ કર્યો, ત્યારે બધા ઊંડા પાણીમાં ડૂબી ગયા.
આણંદ જિલ્લામાં મહિસાગર નદીમાં ન્હાતી વખતે એક જ પરિવારના ચાર લોકો ડૂબી ગયા. આણંદ જિલ્લા પોલીસે જણાવ્યું હતું કે, ડૂબી જનારાઓમાં બે મહિલાઓનો પણ સમાવેશ થાય છે. પોલીસના જણાવ્યા અનુસાર, આ ઘટના ગુરુવારે સાંજે ખાનપુર ગામની સીમમાં બની હતી. ઉનાળાની ઋતુમાં પર્યટનની દૃષ્ટિએ આ વિસ્તાર લોકો માટે ખૂબ જ પ્રિય છે. ઉનાળામાં અહીં આવતા લોકો મહીસાગર નદીમાં વારંવાર મોજ માણવા આવે છે.
એક જ પરિવારના ચાર સભ્યો મામડી ગામમાંથી ફરવા આવ્યા હતા. જ્યારે તેઓ નદીમાં ન્હાતા હતા ત્યારે પરિવારનો એક સભ્ય ડૂબવા લાગ્યો હતો, તેને બચાવવા માટે અન્ય ત્રણ પણ ઊંડા પાણીમાં ઉતરી ગયા હતા અને જોરદાર કરંટમાં બધા તણાય ગયા. મૃતકોની ઓળખ સુરેશ વાઘેલા, પ્રકાશ વાઘેલા, વેસુબેન સોલંકી અને જ્યોતિ વાઘેલા તરીકે થઈ હતી.
