ગરવી તાકાત સમી : સમી મામલતદાર કચેરી ખાતે પુરવઠા વિભાગમાં જે રેશનકાર્ડ ધારકો એ ઈ કેવાયસી કરાવેલ નથી. તેમને તંત્ર દ્વારા નોટિસ પાઠવવામાં આવી જેના કારણે મોટી સંખ્યામાં લોકો કેવાયસી કરાવવા માટે ઉમટી પડ્યા પરંતુ સર્વર ડાઉનને કારણે માત્ર ત્રણથી ચાર જણનું કામ થયું જેથી લોકોમાં નારાજગી જોવા મળી. સમી મામલતદાર કચેરી ખાતે સમી તાલુકાના જે પણ રેશનકાર્ડ ધારકોએ જેમના રેશનકાર્ડમાં નામ છે.
તેમનું ઈ કેવાયસી ફરજિયાત બનાવ્યું અને જે લોકોએ કેવાયસી કરાવેલ નથી તેમને તાત્કાલિક ધોરણે કેવાયસી કરાવવા માટે તંત્ર દ્વારા નોટિસ પાઠવવામાં આવતા સમી તાલુકાના અંતરિયાળ વિસ્તારના રાફુ, સમશેરપુરા, નાયકા, બાસ્પા ભદ્રાડા, રૂપનગર, વેડ, અમરાપુર, સહિતના રણકાંઠાના લોકો મામલતદાર કચેરી ખાતે ઉમટી પડ્યા હતા. રંતુ ફિંગર ન આવતા અને સર્વર ડાઉન રહેતા કર્મચારીઓ પણ મુશ્કેલીમાં મુકાયા હતા.
અને સર્વર ડાઉનને કારણે માત્ર ચારથી પાંચ જણનું કામ થયું હતું. નાગરિક ધર્મેશભાઈ રાજપૂત જણાવે છે કે કેવાયસી માટે દરરોજ જુદા જુદા ગામને બોલાવવામાં આવે અથવા ટોકન સિસ્ટમથી કામ લેવામાં આવે તો આ રીતે એક સાથે ભીડથી બચી શકાશે અને લોકોને પણ ધક્કા ખાવા નહીં પડે ત્યારે તંત્ર દ્વારા આ દિશામાં કામગીરી હાથ ધરવામાં આવે તેવી લોકમાગ છે.
