ગરવી તાકાત મોડાસા : મોડાસાના ડીપ વિસ્તારમાં બેંક પાસેથી ગુમ થયેલ બાઇક ગણતરીના કલાકોમાં નેત્રમ શાખાની મદદથી શોધી કાઢવામાં આવ્યું અને મૂળ માલિકને સોંપાયું. અરવલ્લી જિલ્લા નેત્રમ ઇન્ચાર્જ પોલીસ સબ ઇન્સ્પેક્ટર જે.એચ. ચૌધરીએ જણાવ્યું કે સમગ્ર પ્રકરણમાં બાઇકની ભૂલથી અદલા બદલી થઈ ગઈ મોડાસાની તિરૂપતિ ગોકુલધામ સોસાયટીમાં રહેતા હિમાંશુ ચિમનભાઇ પંચાલ સવારે 9:30 કલાકે પોતાનું બાઇક લઇ શહેરના શામળાજી રોડ ઉપર ડીપ વિસ્તારમાં આવેલ AU Small Finance Bank આગળ પાર્ક કરી પોતાના કામકાજ અર્થે ગયા.
અને તે દોઢ કલાક જેટલા સમયમાં પોતાનું કામકાજ પૂર્ણ કરી પરત ફર્યા તેમણે પાર્કિંગમાં આવી જોતાં બાઇક જોવા ન મળતાં તેમણે પાર્કિંગમાં તેમજ આસપાસના વિસ્તારમાં શોધખોળ હાથ ધરી પરંતુ બાઇકનો કોઈ જ પત્તો ન લાગતાં તેમણે પોતાનું બાઇક ગુમ થયા અંગે નેત્રમ શાખા-અરવલ્લીનો સંપર્ક કર્યો નેત્રમ શાખા દ્વારા પ્રાથમિક માહિતી મેળવી ગુનાના સીસીટીવી ફૂટેજની ચકાસણી.
નેત્રમ શાખા ખાતે કરાતાં ડીપ વિસ્તારના કેમેરામાં કોઇ અજાણ્યો શખ્સ ગુમ થયેલ બાઇક લઇ જતો નજરે પડ્યો જેના આધારે સ્થળ પર જઇ નેત્રમ શાખાના સ્ટાફ દ્વારા તપાસ કરતાં બાઇક અન્ય બાઇકના ચાલક દ્વારા ભુલથી અદલાબદલી થઇ ગયેલ હોવાનું જણાતાં આ માહિતી તાત્કાલિક નેત્રમ ઈન્ચાર્જ જે.એચ.ચૌધરીને મળતાં તેમના માર્ગદર્શન હેઠળ ઉપરોક્ત બાઇક ચાલકનો સંપર્ક કરી કલાકોના સમયમાં ગુમ થયેલ બાઇક મૂળ માલિકને સોંપાયું.
