નવી દિલ્હી,તા.30 – ગુજરાતના 2002ના કોમી રમખાણો સંબંધમાં વડાપ્રધાન નરેન્દ્ર મોદીને ટાર્ગેટ કરતી બીબીસીની ડોકયુમેન્ટ્રી પર ભારતમાં પ્રતિબંધનો વિવાદ હવે સુપ્રીમકોર્ટમાં ગયો છે અને દિલ્હીના એક એડવોકેટ દ્વારા આ પ્રતિબંધને પડકારવામાં આવ્યો છે અને સરકારના પગલાને ગેરબંધારણીય તથા મનમાન્યુ ગણાવ્યું હતું.
આ ઉપરાંત વરિષ્ઠ ધારાશાસ્ત્રી પ્રશાંત ભૂષણે પણ આ પ્રતિબંધને પડકાર્યો છે અને સુપ્રીમકોર્ટ તા.6ના રોજ સુનાવણી કરશે. અત્રે ઉલ્લેખનીય છે કે, ગત તા.21 જાન્યુ.ના કેન્દ્ર સરકારે બીબીસીની આ ડોકયુમેન્ટ્રી: ઈન્ડીયા ધ મોદી કવેશ્ચન પર પ્રતિબંધ મુકયો હતો.
તેમ છતાં પણ દેશની વિવિધ યુનિ.માં આ ડોકયુમેન્ટ્રી પ્રદર્શિત થાય છે અને તે મુદે પણ નવો વિવાદ સર્જાયો છે. આ દરમ્યાન વરિષ્ઠ પત્રકાર એન.રામ અને એડવોકેટ પ્રશાંત ભૂષણ તરફથી પણ સુપ્રીમમાં પ્રતિબંધ વિરુદ્ધ અરજી દાખલ થશે.
