વિશ્વવિખ્યાત ઊંઝા પાટીદાર સમાજના કુળદેવી માં ઉમિયાની વૈશાખ સુદ પૂનમે શોભાયાત્રા નીકળી 

ભવ્ય ચાંદીના રથમાં બિરાજેલાં માતાજીની સવારી સવારે 8.15 નિજ મંદિરેથી નીકળી હતી. જેમાં 165 થી વધુ વિશેષ ઝાખીઓ જોવા મળી 

ઊંઝામાં ઘેર ઘેર આસોપાલવના તોરણ બંધાયા, મા ઉમિયા ખુદ આર્શીવાદ આપવા નીકળ્યા

ગરવી તાકાત, ઊંઝા તા. 05 –  મેહસાણાના ઊંઝામાં કડવા પાટીદાર સમાજની કુળદેવી શ્રી ઉમિયા માતાની નગરની યાત્રા એટલે કે નગરચર્યા રંગે ચંગે નીકળી હતી. જેમાં હાથી, ઘોડા, બગીઓ સહિ‌ત મોટી સંખ્યામાં કડવા પાટીદાર સહિત સ્થાનિક લોકો જોડાયા હતા. આ નગરચર્યા સમગ્ર ઊંઝા શહેરમાં ફરી હતી.

ઊંઝામાં આવેલા વિશ્વભરના કડવા પાટીદારો સમાજના કુળદેવી મા ઉમિયાના મંદિરેથી દર વર્ષે વૈશાખ સુદ પુનમે એટલે આજે માતાજીની ભવ્ય નગરયાત્રા ભારે રંગે ચંગે કાઢવામાં આવી હતી. જે મુજબ આજે માતાની નગરયાત્રા નીકળી હતી. આ માટે ઊંઝાવાસીઓએ ઠેરઠેર માતાજીના ભવ્ય સ્વાગતની તૈયારીઓ કરી હતી. ભવ્ય ચાંદીના રથમાં બિરાજેલાં માતાજીની સવારી સવારે 8.15 નિજ મંદિરેથી નીકળી હતી. જેમાં 165 થી વધુ વિશેષ ઝાખીઓ જોવા મળી. હાથી, ઘોડા, બગીઓ, સ્કૂટર સવાર, બેન્ડબાજા, ધ્વજપતાકા, રાસમંડળી, ખડકવાડી, ભજન મંડળીઓ સહિ‌ત મોટી સંખ્યામાં ભાવિકો ઉત્સાહભેર જોડાયા હતા.