ગરવી તાકાત મહેસાણા : મહેસાણા જિલ્લાના ખેરાલુ તાલુકામાં આવેલા સમોજા ગામે એક જ રાતમાં ગ્રામ પંચાયતના બોર તેમજ ગામના ખેડૂતોના ખેતરોમાંથી કેબલ વાયરની ચોરી થવાનો બનાવ સામે આવ્યો આ અંગે સમોજા ગામના સરપંચના પતિ જશાજી ઉર્ફે ટીનાજી ઠાકોરે ખેરાલુ પોલીસ મથકે અજાણ્યા ચોર વિરુદ્ધ ફરિયાદ નોંધાવી ગત 17 જુલાઈ 2026ના સાંજના છ વાગ્યાથી 18 જુલાઈ 2026ના સવારના છ વાગ્યા દરમિયાન આ ચોરીનો બનાવ બન્યો 18 જુલાઈની સવારે ગ્રામ પંચાયતના ઓપરેટરના પુત્ર સુરેશજી ઠાકોરે જશાજીને ફોન કરીને જાણ કરી.
પંચાયતના બોરની ઓરડીથી બોર સુધીનો 10 એમ.એમ. સીંગલ પટ્ટીનો 36 મીટર કેબલ વાયર 17,100 ગાયબ ત્યારબાદ ગામમાં તપાસ કરતા જાણવા મળ્યું ચોરોએ પંચાયતના બોર ઉપરાંત ગામના અન્ય ખેડૂતોના ખેતરોને પણ નિશાન બનાવ્યા જેમાં ચૌધરી બેચરભાઈ કુબેરભાઈના ખેતરમાંથી 15 મીટર કેબલ કિંમત રૂ,7125, ચૌધરી નરસંગભાઈ કુબેરભાઈના ખેતરમાંથી ૧૫ મીટર કેબલ કિંમત રૂ. 7125 અને ચૌધરી પ્રહલાદભાઈ વિરાભાઈના ખેતરમાંથી 18 મીટર કેબલ કિંમત રૂ. 8550ની ચોરી થઈ.
આમ, અજાણ્યા ચોર ઇસમો ગામમાંથી કુલ 84 મીટર કેબલ વાયર, જેની કિંમત રૂ. 39,900 થાય તેની ચોરી કરી ફરાર થઈ ગયા ઘટના બાદ ગ્રામજનો દ્વારા પોતાના સ્તરે સીસીટીવી કેમેરા ચકાસીને તપાસ કરવામાં આવી પ્રાથમિક તપાસ બાદ કોઈ પત્તો ન લાગતા આખરે ખેરાલુ પોલીસ સ્ટેશન ખાતે અજાણ્યા ચોર સામે કાયદેસરની ફરિયાદ નોંધાવવામાં આવી પોલીસે આ મામલે ગુનો નોંધી આગળની તપાસ હાથ ધરી.
