મહેસાણાના જગુદણ ગામમાં આવેલી આંગણવાડીમાં તસ્કરો ત્રાટક્યા

ગરવી તાકાત મહેસાણા : મહેસાણા જિલ્લામાં તસ્કરો બેફામ બની પોલીસને પડકારી રહ્યા છે. ઠેરઠેર જિલ્લામાં ચોરીઓના બનાવો વધી રહ્યા છે. જ્યાં વધુ એક ચોરીની ઘટના સામે આવી છે. મહેસાણા તાલુકાના જગુદણ ગામની આંગણવાડીને તસ્કરોએ નિશાન બનાવી ચોરીને અંજામ આપ્યો

મહેસાણા તાલુકામાં આવેલ જગુદણ ગામમાં ગણપતિ નગર પાસે આવેલી આંગણવાડીમાં રાત્રી દરમિયાન અજાણ્યા તસ્કરો ઘસી આવી આંગણવાડીના દરવાજાના તોડી પ્રવેશ કર્યો હતો. તસ્કરોએ આંગણવાડીમાં મુકેલા 4 તેલના ડબ્બા 2 ગેસની બોલટો મળી કુલ 12 હજાર 800ના મુદ્દામાલની ચોરી કરી રફુચક્કર થયા હતા. હાલમાં આ મામલે આંગણવાડીના કાર્યકર દ્વારા મહેસાણા તાલુકા પોલીસ મથકમાં અજાણ્યા તસ્કરો સામે પોલીસ ફરિયાદ નોંધાવી હતી.

તસવિર અને અહેવાલ : નાયક અક્ષય — મહેસાણા