કડી તાલુકાના ગ્રામ્ય પંથકની પ્રાથમિક શાળાની બાળકી સાથે પ્રિન્સિપાલની ગુપ્તભાગે અડપલા કરવાની શર્મસાર ઘટના 

ગરવી તાકાત, કડી તા. 23- મહેસાણા જિલ્લાના કડી તાલુકાના ગ્રામ્ય વિસ્તારની પ્રાથમિક શાળાનો વાસના ભૂખ્યો આચાર્ય માત્ર નવ વર્ષની કુમળી વય ની બાળકી સાથે ગંદી શારીરિક ચેષ્ટા કરતો હોવાની ઘટના બહાર આવતા સમગ્ર શિક્ષણ જગત નું માથું શરમ થી ઝૂકી ગયું છે. ચોથા ધોરણમાં ભણતી અને નવ વર્ષની બાળિકા સ્કૂલમાં ભણવા માટે ગઈ હતી શાળાના જ પ્રિન્સિપાલે તેને વાંચવા બહાને રૂમમાં લઈ જઈ શારીરિક અડપલા કરતા સમગ્ર વિસ્તારમાં ચર્ચા મચી જવા પામી હતી જ્યારે કડી પોલીસે પોસ્કો  હેઠળ ગુનો દાખલ કરી કાયદેસરની કાર્યવાહી કરી હતી.

કડી તાલુકામાં છેલ્લા ઘણા સમયથી સગીર વયની બાલિકાઓ તેમજ સગીર વયની યુવતીઓ ઉપર દુષ્કર્મ અને દુષ્કર્માનો પ્રયાસ કરવાની ઘટનાઓમાં વધારો થઈ રહ્યો છે જ્યારે હજુ તો ગણતરીના દિવસો પહેલા જ બે સગીર વયની યુવતીઓ ઉપર મરજી વિરુદ્ધ બળાત્કાર તેમજ અડપલા કરવાની ઘટના કડીમાં આવી હતી જ્યારે ફરી એકવાર તેવી જ ઘટના એક સામે આવતા સમગ્ર વિસ્તારમાં ચકચાર મચી જવા પામી હતી. શિક્ષણ જગતને લાછનરૂપ કિસ્સો બહાર આવતા પોલીસે કાયદેસરની કાર્યવાહી કરી હતી કડી તાલુકાના ગ્રામ્ય વિસ્તારમાં પરિવાર સાથે રહેતી અને ધોરણ ચારમાં અભ્યાસ કરતી નવ વર્ષની બાલિકા શુક્રવારે પોતાના ઘરેથી ગામની અંદર આવેલ પ્રાથમિક શાળામાં અભ્યાસ અર્થે ગઈ હતી જ્યાં સ્કૂલમાં જતા જ બપોરના સમય શાળાના આચાર્યએ તેને વાંચવાના બહાને શાળાના એક રૂમમાં બોલાવી હતી અને શારીરિક અડપલા કરતા બાળીકા ગભરાઈને બપોરે ઘરે જતી રહી હતી.

 શાળામાં એક શિક્ષક ગુરુનું બિરુદ્ધ આપવામાં આવ્યું છે તેમજ આપણા હિન્દુ શાસ્ત્રોમાં શિક્ષકને ગુરુ માનવામાં આવે છે અને ગુરુ એક ભગવાન સમાન હોય છે પરંતુ ગુરુ પોતાની શાળામાં જ ભણતી નવ વર્ષની બાલિકા સાથે શારીરિક ચેષ્ટા અને અડપલા કરતા સમગ્ર પંથકના શિક્ષણ જગતમાં ચકચાર મચી જવા પામી હતી કડી તાલુકાના ગ્રામ્ય વિસ્તારમાં પ્રાથમિક શાળામાં અભ્યાસ કરતી કુમળી નવ વર્ષની બાલિકા પોતાના ઘરેથી અભ્યાસ અર્થે ગામની અંદર આવેલ પ્રાથમિક શાળામાં ગઈ હતી અને પ્રાથમિક શાળાના આધેડ આચાર્ય અરવિંદભાઈ પટેલ રહે મધુવન સોસાયટી કડી એ આ બાલિકા ને વાંચવાના બહાને શાળાના એક રૂમમાં બોલાવી હતી અને આધેડ પ્રિન્સિપાલે બાલિકાને ખોળામાં બેસાડી શારીરિક ચેષ્ટા અને ગુપ્ત ભાગે અડપલા કર્યા હતા.

જ્યાં બાલિકા રડવા લાગી હતી પ્રિન્સિપાલે સમજાવવાની કોશિશ કરી હતી અને ધાક ધમકી આપી હતી પરંતુ ધોરણ ચારમાં અભ્યાસ કરતી વિદ્યાર્થીની ડરના મારે કઈ સ્કૂલમાં બોલી ન હતી અને રિસેસના સમય પોતાના ઘરે જતી રહી હતી જ્યાં ઘરની અંદર રડવા લાગતા તેના પરિવારજનોએ તેને પૂછ્યું હતું જ્યાં સમગ્ર હકીકત વિદ્યાર્થીનીએ તેના માતા-પિતાને કહી હતી જે બાદ વિદ્યાર્થીના માતા-પિતા તેને કડીની કુંડાળ સિવિલ હોસ્પિટલમાં સારવાર માટે લઈ ગયા હતા અને કડી પોલીસને જાણ કરાતા પી.આઈ જે.પી સોલંકી સહિતનો કાફલો ઘટના સ્થળે દોડી આવ્યો હતો પરિવારના નિવેદનના આધારે આચાર્ય અરવિંદભાઈ પટેલ સામે પોસ્કો એક્ટ હેઠળ ગુનો દાખલ કર્યો હતો અને આચાર્યની અટક કરીને પૂછતાશ કરી કાર્યવાહી કરી હતી.