મયંકભાઈ નાયક રાજ્યસભાના સાસંદ અને ગુજરાત પ્રદેશ ઓબીસી મોરચાના અધ્યક્ષ અને હવે વધુ એક રાજસ્થાનની જવાબદારી સોંપાઇ
ગરવી તાકાત, મહેસાણા તા. 11 – મહેસાણા રાજ્યસભાના સાંસદ મયંકભાઇ નાયકને હાલ ગુજરાત પ્રદેશ ઓબીસી મોરચાના અધ્યક્ષ તરીકેની જવાબદારી નિભાવી રહ્યા છે. તો બીજી તરફ મહેસાણા રાજ્યસભાના સાંસદ તરીકેની પણ જવાબદારી નિભાવી રહ્યાં છે. મયંકભાઇ નાયકની પક્ષ પ્રત્યેની વફાદારી અને નિષ્ઠાને જોતાં પક્ષ દ્વારા તેમની કામગીરી નોંધ લેવામાં આવી રહી છે જેને પગલે હવે સાંસદ મયંકભાઇ નાયકને ભારતીય જનતા પાર્ટી દ્વારા વધુ એક જવાબદારી સોંપવામાં આવી છે. જેમાં હવે મંયકભાઇ નાયકને વધારાની રાજસ્થાન પ્રદેશ ભાજપમાં સદસ્યતાં અભિયાનની જવાબદારી સોંપવામાં આવી છે.
તેમને રાજસ્થાન પ્રદેશ ભાજપમાં સદસ્યતા અભિયાનના ઇન્ચાર્જ બનાવાયા છે. મયંકભાઇ નાયક ભારતીય જનતા પાર્ટીએ સોંપેલી ત્રણેય જવાબદારી બખુબી નિભાવી રહ્યાં છે અને તેઓને સદસ્યતા અભિયાનના ઇન્ચાર્જ બનાવવામાં આવતાં તેઓને રાજસ્થાન સુધી પણ લાબા થવાની ફરજ પડશે. પરંતુ મહેસાણા જિલ્લાની જનતાની સમસ્યાને ન્યાય મળે તેમના પ્રશ્નોના ઉકેલ આવે તે માટે મહેસાણા ખાતે તેમની સેવાલય નામ ધરાવતી ઓફિસ બનાવવામાં આવી છે જ્યાંથી પણ તેઓ મહેસાણાની જનતાની સેવા કરી રહ્યાં છે.
