ગરવી તાકાત અરવલ્લી : મોડાસાના સાયરા ગામની સીમમાં પેલેટ ચોકડી પાસે મેઘરજ રોડ ઉપર ગાડીમાં લઈ જવાતો વિદેશી દારૂનો જથ્થો એલસીબીએ ઝડપી પાડ્યો જોકે મોકાનો ફાયદો ઉઠાવીને ચાલક ભાગી છૂટ્યો પોલીસે ગાડીની તલાસી લેતાં તેમાંથી વિદેશી દારૂની કુલ બોટલ/ટીન નંગ-620 કુલ રૂ. 188080નો વિદેશી દારૂનો જથ્થો અને ગાડી સહિત કુલ રૂ.488080નો મુદ્દામાલ કબજે લઈ એલસીબીએ ભાગી છૂટેલા ચાલકની શોધખોળ હાથ ધરી.
અરવલ્લી જિલ્લામાં પ્રોહિબિશન જુગાર તથા નશીલા માદક દ્રવ્યોની હેરાફેરીની પ્રવૃત્તિ આચરતા શખ્સો ઉપર અસરકારક રેડ કરવા અને પરિણામલક્ષી કામગીરી કરવા એસપી મનોહરસિંહ જાડેજાએ આપેલી સૂચનાના ભાગરૂપે એલસીબીના પો.ઇન્સ.એમ.એચ.ઝાલાની આગેવાનીમાં એલસીબી પો.સબ.ઇન્સ વી.જે.તોમર.
પો.સબ.ઇન્સ પી.પી.સોલંકી તેમજ પો.સબ.ઇન્સ વી.ડી.વાઘેલા સહિતનો સ્ટાફ મોડાસા રૂરલ પોલીસ સ્ટેશન વિસ્તારમાં પેટ્રોલિંગમાં તે દરમ્યાન મેઘરજ તરફથી આવી રહેલી ગાડી આવતાં તેને ઉભી રાખવા ઈશારો કરતાં સાયરા ગામની સીમમાં ચાલક ગાડી રોડ પર મૂકી ભાગી છૂટ્યો એલસીબીએ ગાડી નં.GJ.01.KM.1950 ની તલાસી લીધી.
