ગરવી તાકાત પાટણ : પાટણ જિલ્લાના હારીજ તાલુકામાંથી એક નકલી ડૉક્ટર ઝડપાયો આ વ્યક્તિ કોઈપણ મેડિકલ ડિગ્રી કે પ્રમાણપત્ર વગર દવાખાનું ચલાવીને લોકોના સ્વાસ્થ્ય સાથે ચેડાં કરતો ઝડપાયેલા નકલી ડૉક્ટરનું નામ ટીનાજી ઉર્ફે કટો ગણાજી સોમાજી ઠાકોર. આરોપી ટીનાજી ઠાકોર હારીજ તાલુકાના કાઠી ગામે, વિક્રમજી સંગ્રામજી ઠાકોરના મકાનમાં,
પોતાને ડૉક્ટર તરીકે ઓળખાવીને દવાખાનું ચલાવતો હતો તેની પાસે મેડિકલ ડિગ્રી કે સર્ટિફિકેટ ન હોવા છતાં તે દર્દીઓની સારવાર કરતો. તે બીમાર લોકોને તપાસીને તેમને એલોપેથીક દવાઓ અને ઇન્જેક્શનો આપતો આ રીતે તે લોકોના સ્વાસ્થ્ય સાથે બેદરકારી ભર્યું કૃત્ય આચરી રહ્યો હતો, જે કાયદેસર ગુનો.
પોલીસે તેની પાસેથી એલોપેથીક દવાઓ, ઇન્જેક્શનો અને અન્ય મેડિકલ સાધનો સહિત કુલ ₹ 9801.80ની કિંમતનો મુદ્દામાલ જપ્ત કર્યો આ નકલી ડૉક્ટર સામે હારીજ પોલીસ મથકે ગુનો નોંધીને કાયદેસરની કાર્યવાહી હાથ ધરવામાં આવી.
