કચ્છ-સૌરાષ્ટ્રની તબાહી બાદ ઉત્તર ગુજરાતના ચાર જિલ્લામાં તબાહી જ તબાહી.. જુઓ ક્યાં કેટલો વરસ્યો વરસાદ

ક્યાં કેટલો વરસાદ 

• અમીરગઢમાં 8 ઈંચ વરસાદ
• દાંતામાં 6.5 ઈચ વરસાદ
• સાબરકાંઠાના પોશીનામાં 6 ઈંચ વરસાદ
• દાંતીવાડામાં 6 ઈંચ વરસાદ
• પાલનપુરમાં 5 ઈંચ વરસાદ
• રાધનપુરમાં 5 ઈચ વરસાદ
• દિયોદરમાં 4 ઈંચ વરસાદ
• થરાદમાં 3.5 ઈંચ વરસાદ
• 

અમીરગઢના 3 ગામ સંપર્ક વિહોણા
અમીરગઢના વીરમપુરથી ભાટવાસની હદમાં આવેલ ચનવાયા ગામના રોડનું નાળુ તૂટી જતા 3 ગામો સંપર્ક વિહોણા બનયા છે. ભારે વરસાદ પડવાથી ત્રણ ગામોનો જવા આવવા માટેનો એક જ માર્ગ બંધ થઈ જતા લોકો અટવાયા છે.  ઉપરવાસમાં ભારે વરસાદના પગલે બનાસ નદીમાં નવા નીર આવ્યા છે. બનાસકાંઠા જિલ્લામાં અને ઉપરવાસમાં ભારે વરસાદના પગલે બનાસકાંઠાની સૂકી નદીઓ જીવંત બની છે. બનાસનદીમાં નીર આવતા દાંતીવાડા ડેમમાં પાણીની આવક પણ વધી છે. દાંતીવાડા ડેમમાં સવારે 8 વાગ્યાં સુધી 48 હાજર ક્યુસેક પાણી આવક નોંધાઈ. દાંતીવાડા ડેમમાં પાણીની આવક શરૂ થતા ખેડૂતોમાં ખુશી છવાઈ છે.

ધાનેરામાં પૂરના પાણીમાં લોકો ફસાયા 
બિપોરજોય વાવાઝોડાના પગલે દક્ષિણ રાજસ્થાનમાં ભારે વરસાદ જોવા મળ્યો. રાજસ્થાનમાં ભારે વરસાદને પગલે રેલ નદીમાં પૂર આવ્યું. રેલ નદીના પટમાં ધાનેરાના આલવાડા ગામના વહેણમા મોડી રાત્રે 8 લોકો ફસાયા હતા. ધાનેરાના આલવાડા ગામના વહેણમા મોડી રાત્રે 8 લોકો ફસાયા હતા. આલવાડાંના વહેણમાં ઇકો ગાડીમાં 4 લોકો અને બોલેરો ગાડીમાં 4 લોકો ફસાયા હતા. 7 લોકોને રેસ્ક્યુ કરી બચાવાયા, ઇક્કો ગાડીના ચાલકની શોધખોળ હાથ ધરાઈ. 3 લોકોનું આલવાડા ગામના લોકોએ રેસ્ક્યુ કર્યું, 4 લોકોને ndrf ની ટીમે રેસ્ક્યુ કર્યું. ભારે વરસદના લીધે ધાનેરા તાલુકાના ગ્રામીણ વિસ્તારોમાં સ્થાનિક વહેણ થયા શરૂ. અત્યાર સુધી ૧૧ લોકોને કરાયા રેસક્યુ કરાયા. બનાસકાંઠા કલેક્ટર અને જિલ્લા પોલીસ અધિક્ષક ધાનેરાની મુલાકાતે છે.