ગરવી તાકાત બનાસકાંઠા : બનાસકાંઠા જિલ્લાના સુઈગામ નજીકથી એલસીબી પોલીસે વિદેશી દારૂ ભરેલી એક વર્ના કાર ઝડપી પાડી આ કાર્યવાહીમાં ₹3.09 લાખનો વિદેશી દારૂ, કાર અને મોબાઈલ ફોન સહિત કુલ ₹5.14 લાખનો મુદ્દામાલ જપ્ત કરવામાં આવ્યો જોકે કારનો ચાલક પોલીસને ચકમો આપી ફરાર થઈ ગયો પોલીસને વિદેશી દારૂ ભરીને એક ગાડી આવવાની ગુપ્ત બાતમી મળી આ બાતમીના આધારે પોલીસે સુઈગામ-ભાભર હાઈવે રોડ પર બેણપ ગામ તરફ જતા પાટિયા પાસે વોચ ગોઠવી.
શંકાસ્પદ ગાડીને રોકવાનો ઈશારો કરતા ચાલકે ગાડી ભગાવી મૂકી પોલીસે ગાડીનો પીછો કરતા સુઈગામ-વાવ હાઈવે રોડ પર દેવપુરા પાટિયા પાસે ગાડી નંબર RJ 19 CD 0910 વર્ના કાર મૂકી ચાલક ફરાર થઈ ગયો પોલીસે ગાડીની તલાશી લેતા તેમાંથી ભારતીય બનાવટના વિદેશી દારૂની કુલ 621 બોટલો મળી આવી.
જેની કિંમત ₹3,09,825 આંકવામાં આવી દારૂ ઉપરાંત, પોલીસે ₹5,000ની કિંમતનો એક મોબાઈલ ફોન અને ₹2 લાખની કિંમતની વર્ના કાર પણ જપ્ત કરી આમ, કુલ ₹5,14,825નો મુદ્દામાલ ઝડપી પાડવામાં આવ્યો ફરાર થયેલા કાર ચાલક વિરુદ્ધ સુઈગામ પોલીસ સ્ટેશનમાં પ્રોહીબીશન એક્ટ હેઠળ ગુનો નોંધી વધુ તપાસ હાથ ધરવામાં આવી.
