ગરવી તાકાત સિદ્ધપુર : સિદ્ધપુર નગરપાલિકાના નવા પ્રમુખ, ઉપપ્રમુખ અને કારોબારી ચેરમેનની સત્તાવાર વરણી કરવામાં આવી રણજીતસિંહ સોલંકી પ્રમુખ, પ્રમોદ પટેલ ઉપપ્રમુખ અને અંકુર મારફતિયા કારોબારી ચેરમેન તરીકે નિયુક્ત થયા આ હોદ્દેદારો પેટ્રોલ-ડીઝલ બચાવવાના સંદેશ સાથે એક જ બસમાં સવાર થઈને પાલિકા કચેરી પહોંચ્યા અને વિધિવત રીતે પદભાર સંભાળ્યો.
પાટણ જિલ્લાની સિદ્ધપુર નગરપાલિકામાં સ્થાનિક સ્વરાજની ચૂંટણીના પરિણામો બાદ આ વરણી પ્રક્રિયા પૂર્ણ થઈ રણજીતસિંહ સોલંકીને પ્રમુખ પદ માટે,પ્રમોદ પટેલને ઉપપ્રમુખ પદ માટે અને મહત્વની ગણાતી કારોબારી સમિતિના ચેરમેન પદ માટે અંકુર મારફતિયાના નામની જાહેરાત કરવામાં આવી આ વરણી કાર્યક્રમ દરમિયાન,
નવનિયુક્ત સભ્યો દેશના પ્રધાનમંત્રી નરેન્દ્ર મોદીના ઇંધણ બચાવવાના સંદેશનું સમર્થન કરતા જોવા મળ્યા વૈશ્વિક સ્તરે ક્રૂડ ઓઇલની અછત અને દેશમાં પેટ્રોલ-ડીઝલની સંભવિત અછતને ધ્યાનમાં રાખીને તેમણે આ સંદેશનું પાલન કરવાનું નક્કી કર્યું આ ઇંધણ બચાવવાના વિશિષ્ટ સંદેશ સાથે સિદ્ધપુર નગરપાલિકાના તમામ નવનિયુક્ત હોદ્દેદારોએ પોતાના અંગત વાહનોનો ઉપયોગ ટાળીને એક જ બસમાં નગરપાલિકા કચેરી ખાતે પહોંચીને પોતાના હોદ્દાઓનો કાર્યભાળ સંભાળ્યો.
