ગરવી તાકાત બનાસકાંઠા : થરાદ પોલીસે ઘંટીયાળી ગામે થયેલી ચકચારી ઘરફોડ ચોરીનો ભેદ ઉકેલી કાઢ્યો પોલીસે ગણતરીના દિવસોમાં આરોપીને ઝડપી પાડી ₹2,61,250/- નો સંપૂર્ણ મુદ્દામાલ રિકવર કર્યો સરહદી રેન્જ કચ્છ ભુજના પોલીસ મહાનિરીક્ષક ચિરાગ કોરડીયા અને વાવ-થરાદ જિલ્લા પોલીસ અધિક્ષક ચિંતન તેરૈયાની સૂચનાથી આ કાર્યવાહી કરવામાં આવી થરાદ વિભાગના વિભાગીય પોલીસ અધિક્ષક એસ.એમ. વારોતરીયા અને થરાદ પોલીસ ઇન્સ્પેક્ટર એ.ટી. પટેલના માર્ગદર્શન હેઠળ તપાસ હાથ ધરવામાં આવી.
ગત 06/12/2025 ના રોજ ઘંટીયાળી ગામે એક ઘરફોડ ચોરીનો ગુનો નોંધાયો હતો. જેમાં અજાણ્યો ચોર ફરિયાદીના ઘરમાંથી જુદા જુદા સોનાના દાગીના કુલ ₹2,61,250/- ની કિંમતના ચોરી કરી ફરાર થઈ ગયો હતો. પોલીસે હ્યુમન સોર્સ અને ટેકનિકલ સર્વેલન્સની મદદથી આ વણશોધાયેલા ગુનાનો ભેદ ઉકેલ્યો હતો. ચોરીમાં ગયેલો તમામ મુદ્દામાલ રિકવર કરીને ચોર ઈસમને પકડી પાડવામાં આવ્યો હતો.
પકડાયેલા આરોપીનું નામ જીતુભાઈ મોહનભાઈ ભાટીયા (ઉં.વ. 29, રહે. ઘંટીયાળી, તા. થરાદ) આ કામગીરીમાં પોલીસ ઇન્સ્પેક્ટર એ.ટી. પટેલ, પો.સબ.ઇન્સ. સી.પી. ચૌધરી, હેડ કોન્સ્ટેબલ ભરતભાઈ વાલાભાઈ, પો.કોન્સ્ટેબલ રામજીભાઈ ડંગરભાઈ અને પો.કોન્સ્ટેબલ પાંચાભાઈ નાનજીભાઈ સહિતના થરાદ પોલીસ સ્ટેશનના અધિકારીઓ અને કર્મચારીઓ જોડાયા.
