હોટલનું લોકેશન ભૂલથી પ્રેમિકાને બદલે પત્નીને મોકલાઈ ગયું…અને પછી જે થયો તાયફો 

પ્રેમિકાને બદલે હોટલનું લોકેશન ભૂલથી પત્નીને મોકલી દીધું હતું. જેને કારણે પ્રેમિકા પહેલા પત્ની હોટલના રૂમમાં પહોંચી હતી

પતિ,પત્ની અને વો વચ્ચેનો ઝઘડો આખરે લાંબો ચાલતા ૧૮૧ની ટીમ હોટલ નર્મદાથી ત્રણેયને વસ્ત્રાપુર પોલીસ સ્ટેશનમાં લઈ આવી હતી

ગરવી તાકાત, અમદાવાદ તા. 07 – આજકાલ માનવ સંબંધોમાં લગ્નેતર સંબંધોનું પ્રમાણે વ્યાપક સ્તરે  વધ્યું છે. હવે પતિ પત્ની ઔર વોના એવા કિસ્સાઓ સામે આવે છે, જે સાંભળીને પગ નીચેથી જમીન સરકી જાય. આવો જ એક કિસ્સો અમદાવાદની એક પ્રખ્યાત હોટલમાં થયો હતો. આ હોટલના રૂમમાં એવો તાયફો થયો કે, સૌ કોઈ તેની ચર્ચા કરી રહ્યા હતા. બન્યું એવુ હતું કે, પતિએ પ્રેમિકાને બદલે હોટલનું લોકેશન ભૂલથી પત્નીને મોકલી દીધું હતું. જેને કારણે પ્રેમિકા પહેલા પત્ની હોટલના રૂમમાં પહોંચી હતી. પછી જે થયું તે તમને ફિલ્મી સીન જેવું લાગશે. ભાભી-2 ની વાત આવતા જ પત્નીએ જે કર્યું તે જોઈને તમને રણબીર કપૂરની ફિલ્મ એનિમલ યાદ આવી જશે.

બન્યું એમ હતું કે, અમદાવાદના એક વેપારીએ પત્ની સાથે જાણીતી હોટલમા એક રૂમ બુક કરાવ્યો હતો. પરંતું બીજી તરફ પતિએ તેની પ્રેમિકા માટે પણ અહી જ હોટલમાં રૂમ બૂક કરાવ્યો હતો. પરંતુ પતિએ ભૂલથી પ્રેમિકાને બદલે પત્નીના મોબાઈલ પર રૂમનું લોકેશન મોકલી દીધુ હતું. વાત ત્યારે વણસી જ્યારે, પત્ની હોટલના જ રૂમમાં હોવા થતા પતિએ તેને હોટલના લોકેશનનો મેસેજ મોકલ્યો હતો. આથી પત્નીને શંકા ગઈ હતી. તેથી પત્નીએ એક ટ્રીક કરી. નાસ્તો કરવાના બહાને તે પતિ સાથે થોડા સમય માટે અલગ થઈ હતી. બાદમાં તે હોટલના રૂમમા પહોંચી તો પતિ ત્યા હાજર ન હતો. તેથી તેણે પતિના મોબાઈલ પર ફોન લગાવ્યો. તો ફોન બાજુના રૂમમાં વાગ્યો હતો.