મહેસાણામાં બાબા સાહેબની 132મી જન્મજયંતિ નિમિત્તે પુષ્પાંજલિ અર્પણ કરાઇ

મહેસાણા દલિત સમાજના આગેવાનો દ્વારા બાઇક રેલી યોજી બાબા સાહેબને શ્રદ્ધાસુમન પાઠવ્યાં 

બંધારણના ઘડવૈયા અને દલિતોના મસિહા બાબા સાહેબની જન્મજયંતિ નિમિત્તે પુષ્પાંજલિ અર્પણ કરાઇ 

ગરવી તાકાત, મહેસાણા તા. 14 –  મહેસાણા જિલ્લામાં સહિત શહેરમાં પણ બાબાસાહેબ આંબેડકરની 132મી જન્મજયંતિ નિમિત્તે રેલી યોજી તેમની પ્રતિમાને પુષ્પાજલિ અર્પણ કરવમાં આવી હતી.  ભારતના બંધારણના ઘડવૈયા અને દલિત સમાજના પ્રણેતા દેશમાં મહત્વનું યોગદાન પ્રદાન કરનાર બાબા સાહેબ આંબેડકરની 132મી જન્મજયંતિ નિમિત્તે ગુજરાત સહિત સમગ્ર દેશમાં ઠેર ઠેર પુષ્પાંજલિ અર્પણ કરવામાં આવી હતી અને દેશ માટે આપેલા તેમના પ્રદાનને યાદ કરી તેમની યશગાથા વર્ણવામાં આવી હતી. આ પ્રસંગે ઠેર ઠેર બાબા આંબેડકર સાહેબના વિવિધ કાર્યક્રમોનું પણ આયોજન કરવામાં આવ્યું હતું. 

મહેસાણા શહેર અને જિલ્લામાં ડો. બાબાસાહેબ આંબેડકરની 132 મી જન્મજયંતિની ઉજવણી કરવામાં આવી અને વિવિધ કાર્યક્રમો યોજાયા હતા. પ્રસંગે મહેસાણા દલિત સમાજના આગેવાનો દ્વારા દ્વારા ડો. બાબાસાહેબ આંબેડકરની પ્રતિમાને પુષ્પાંજલિ અર્પણ કરવામાં આવી હતી. આ પ્રસંગે મોટી સંખ્યામાં રેલીનું પણ આયોજન કરવામાં આવ્યું હતું. જે સમગ્ર મહેસાણા શહેરમાં બાઇક સવારીમાં નીકળી હતી. જ્યારે મહેસાણા શહેરમાં આવેલી તમામ બાબા સાહેબ આંબડેકરની પ્રતિમાની સાફ સફાઇ કરી પુષ્પાંજલિ અર્પણ કરવામાં આાવી હતી.