— નવી મતદાતા મહિલાઓને ફિલ્મ બતાવી સદસ્યતા અભિયાનમાં જોડી, પાર્ટીને મજબૂત બનાવવા પ્રયાસ :
— બહેનોને ફિલ્મ બતાવી ઉત્સાહ વધારતા અર્ચનાબેન ઠાકર અને હિરલબેન દેસાઈ :
ગરવી તાકાત મહેસાણા : અમદાવાદ ખાતે અર્ચનાબેન ઠાકર ઉપાધ્યક્ષ, પ્રદેશ મહિલા મોરચા અને હિરલબેન દેસાઈએ એવા કાર્યક્રમનું આયોજન કર્યું કે,સોનામાં સુગંધ ભળી.
નૂતન મતદાતા યુવા મહિલાઓને શૌર્ય ગાથા વર્ણવતી “નાયકાદેવી” ચલચિત્ર બતાવી ભારતીય જનતા પાર્ટીના સદસ્ય તરીકે આવકાર અપાયો
ગુજરાત પ્રદેશ ભાજપ દ્વારા નવા સદસ્ય બનાવવા માટેનું અભિયાન જોર પકડી રહ્યું છે. ત્યારે અમદાવાદમાં પણ નૂતન મતદાતા યુવા મહિલાઓને સદસ્ય તરીકે આવકાર આપવા અનોખો કાર્યક્રમ યોજવામાં આવ્યો હતો. ગુજરાત પ્રદેશ ભાજપના મહિલા આગેવાનોએ નૂતન મતદાતા વિરાંગનાઓને પાટણના પટરાણી “નાયકાદેવી” ઉપર નિર્માણ કરાયેલા ચલચિત્રને દર્શાવીને શૌર્ય ગાથા બતાવવામાં આવી હતી. અમદાવાદના એક થિયેટરમાં તદ્દન નિઃશુલ્ક રીતે ચલચિત્ર બતાવી 125 જેટલી નૂતન મતદાતા મ
હિલાઓને ભારતીય જનતા પાર્ટીના સદસ્ય બનાવવામાં આવ્યા હતા.
— ગુજરાતના ઈતિહાસના ભુલાયેલા વીરાંગના નાયિકા દેવી :
ગુજરાતી ચલચિત્ર નાયિકા દેવીનું બહેનો માટે અમદાવાદ ખાતે સિટી ગોલ્ડ સિનેમામાં ફ્રી શોનું આયોજન કરવામાં આવ્યું હતું. આ અવસરે પૂર્વ ધારાસભ્ય શ્રી માયાબેન કોડનાનીજીની વિશેષ ઉપસ્થિતિમાં અર્ચના ઠાકર ઉપાધ્યક્ષ, પ્રદેશ મહિલા મોરચા અને પોલિસી એન્ડ રિસર્ચના પ્રદેશ સભ્ય હિરલબેન દેસાઈ દ્રારા કરવામાં આવ્યું હતું.
આ સાથે ૧૨૫ બહેનો ભાજપાનું સદસ્યતા અભિયાન સાથે જોડી ભારતીય જનતા પક્ષના સદસ્ય બનાવી નવી પહેલ અને નવો રાહ ચીંધ્યો હતો. ભારત વર્ષના ઇતિહાસમાં અનેક વીર, વીરાંગનાઓ માતૃભૂમિના રક્ષણ કાજે પ્રાણની આહુતી આપી ચૂક્યા છે. ગુજરાતની ભૂમિ પર જન્મેલી અને ભુલાયેલી વિરાંગના નાયિકા દેવીના જીવન પર બનેલુ ગુજરાતી ચલચિત્ર આજની યુવા દીકરીઓ તથા નારી શક્તિ માટે પ્રેરણાદાયી બની રહે તેવા ઉદેશથી મફત શોનું આયોજન અર્ચનાબેન ઠાકર, હિરલબેન દેસાઈ દ્વારા અમદાવાદ ખાતે સીટી ગોલ્ડ સિનેમામાં કરવામાં આવ્યું હતું. આ સમયે આધુનિક સમયની સ્ત્રી શક્તિરૂપ પૂર્વ ધારાસભ્ય શ્રીમતી માયાબેન કોડનાની, ડૉ ધર્મિષ્ઠાબેન બારોટ પોલિસી એન્ડ રિસર્ચના સભ્ય અને મહિલા મોરચાની બહેનો વિશેષ ઉપસ્થિત રહ્યાં હતાં.
— નાયકાદેવીમાંથી પ્રેરણા મેળવી નારી શક્તિએ નારા લગાવ્યાં, હર હર મહાદેવ ભારત માતાકી જયના ઘોષ થિયેટર ગુંજી ઊઠ્યું :
યુવા દીકરીઓ તેમજ ઉપસ્થિત નારી શક્તિએ ગુજરાતી ચલચિત્ર નાયિકા દેવીને ખૂબ આતુરતાથી રસપૂર્વક નિહાળ્યું અને જ્યાં જ્યાં નાયિકા દેવી દ્વારા વીરતા દાખવવામાં આવી ત્યારે બહેનો ખુશ થઈ હર હર મહાદેવ, ભારત માતાકી જયના નારા સાથે જોમ અને જુસ્સાનું પ્રદર્શન થયું. હાલના સમયમાં દરેક સ્ત્રીએ જરૂર પડે ત્યારે ધર્મ અને સમાજ માટે નાયિકા દેવી જેવી વીરતા બતાવવી જ જોઈએ તે વિચાર સાથે બહેનો પ્રફુલિત હૃદયે છુટા પડ્યા હતા.
— શૌર્યવંતિ વડનગરની ભૂમિ માંથી આવતા શૌર્યવાન હિરલ દેસાઈ ખરા અર્થમાં ભારતીય જનતા પાર્ટીનું “હિર” બની રહ્યા :
હિરલબેન પી દેસાઈ વડનગરના વતની છે. વડાપ્રધાન નરેન્દ્રભાઇ મોદીના માદરે વતન વડનગરની ભુમીમાંથી આવતા હોય એક પછી એક શાનદાર પ્રોગ્રામ કરી કાર્યકર્તા બહેનોનો ઉત્સાહ વધારી રહ્યા હોય તેવું જોવા મળી રહ્યું છે. હિરલબેન દેસાઈનું એક જ લક્ષ અને એક જ ધ્યેય પોતાનો પરિવાર એટલે ભાજપ પરિવાર. આમ શૌર્યવંતી ભૂમિ વડનગરમાંથી આવતાં હિરલ દેસાઈ ખરા અર્થમાં ભારતીય જનતા પાર્ટીના હીર સાબિત થઈ રહ્યા છે.
તસવિર અને અહેવાલ : પિન્ટુભાઈ દેસાઈ-વડનગર
