રાજસ્થાનમાં ભાજપનો ભગવો લહેરાશે, સામે આવ્યા એક્ઝિટ પોલના આંકડા
રાજ્યની 200 વિધાનસભા મતવિસ્તારોમાંથી 199માં 51,000થી વધુ મતદાન મથકો પર મતદાન થયું હતું
રાજસ્થાનના રાજકારણમાં છેલ્લા ઘણા સમયથી એક પરંપરા ચાલી રહી છે. અહીં દર 5 વર્ષે સત્તા પરિવર્તન થાય છે
ઉદેપુર તા. 30 – રાજસ્થાનમાં 25 નવેમ્બરે વિધાનસભા ચૂંટણી માટે મતદાન થયું હતું. રાજ્યમાં કોંગ્રેસ અને ભાજપ વચ્ચે જોરદાર ટક્કર છે. રાજ્યની 200 વિધાનસભા મતવિસ્તારોમાંથી 199માં 51,000થી વધુ મતદાન મથકો પર મતદાન થયું હતું. શ્રીગંગાનગર જિલ્લાના કરણપુર વિધાનસભા ક્ષેત્રની ચૂંટણી કોંગ્રેસના ઉમેદવારના મૃત્યુને કારણે મોકૂફ રાખવામાં આવી હતી. રાજસ્થાનના રાજકારણમાં છેલ્લા ઘણા સમયથી એક પરંપરા ચાલી રહી છે. અહીં દર 5 વર્ષે સત્તા પરિવર્તન થાય છે, પરંતુ આ વખતે જનતા આ રિવાજને બદલે છે કે નહીં તે જોવું ખરેખર રસપ્રદ રહેશે.
| ચેનલ-એજન્સી | ભાજપ | કોંગ્રેસ | અન્ય |
| ન્યૂઝ 18-MATRIZE | 111 | 74 | 14 |
| એબીપી-સી વોટર | 0 | 0 | 0 |
| ઈન્ડિયા ટીવી સીએનએક્સ | 0 | 0 | 0 |
| ટાઇમ્સ નાઉ-ETG | 108-128 | 56-72 | 13-21 |
| TV9-પોલસ્ટાર | 100-110 | 90-100 | 5-15 |
| ન્યૂઝ 24-ચાણક્ય | 0 | 0 | 0 |
| ઈન્ડિયા ટુડે-માય એક્સિસ | 80-100 | 86-106 | 9-18 |
| રિપબ્લિક ટીવી-માય ઈન્ડિયા | 100-122 | 62-85 | 14-15 |
આ વખતે સૌથી વધુ મતદાન ક્યાં થયું? – રાજસ્થાનમાં જેસલમેરમાં સૌથી વધુ 82.32 ટકા મતદાન થયું છે. તે પછી પ્રતાપગઢમાં 82.07%, બાંસવાડામાં 81.36% અને હનુમાનગઢમાં 81.30% મતદાન થયું હતું. રાજ્યમાં સૌથી ઓછું મતદાન પાલીમાં 65.12 ટકા થયું હતું. તે પછી, સિરોહીમાં 66.62%, કરૌલીમાં 68.38%, જાલોરમાં 69.56% અને સવાઈ માધોપુરમાં 69.91% મતદાન થયું હતું. આ ચૂંટણીમાં મુખ્યમંત્રી અશોક ગેહલોત, પૂર્વ સીએમ વસુંધરા રાજે, પૂર્વ ડેપ્યુટી સીએમ સચિન પાયલટ, રાજ્ય વર્ધન સિંહ રાઠોડ, બાબા બાલકનાથ, નરેન્દ્ર કુમાર, ભગીરથ ચૌધરી, કિરોરી લાલ મીના, દેવજી પટેલ, દિયા કુમારી, ગૌરવ વલ્લભ જેવા નેતાઓએ ચૂંટણી લડી હતી. .
રાજસ્થાનમાં આ બેઠક પર કેમ મતદાન ન થયું? – રાજસ્થાનમાં 199 બેઠકો પર મતદાન થયું હતું. શ્રીગંગાનગર જિલ્લાના કરણપુર વિધાનસભા ક્ષેત્રની ચૂંટણી કોંગ્રેસના ઉમેદવારના મૃત્યુને કારણે મોકૂફ રાખવામાં આવી હતી. કુલ 5,25,38,105 મતદારોમાંથી 3,92,11,399 મતદારોએ 199 વિધાનસભા મતવિસ્તારોમાં મતદાન કર્યું હતું. જેમાં 1,88,27,294 મહિલાઓ, 2,03,83,757 પુરૂષો અને 348 ત્રીજા લિંગના મતદારો હતા. રાજસ્થાનમાં કોંગ્રેસ અને ભાજપ વચ્ચે સીધો મુકાબલો છે.
રાજસ્થાનમાં કેટલી બેઠકો પર થયું મતદાન? – રાજસ્થાનમાં 199 બેઠકો પર વિધાનસભા ચૂંટણી યોજાઈ હતી. આ વખતે 75.45 ટકા મતદાન થયું હતું, જ્યારે 2018ની છેલ્લી ચૂંટણીમાં આ આંકડો 74.71 ટકા હતો. રાજસ્થાનના મુખ્ય ચૂંટણી અધિકારી પ્રવીણ ગુપ્તાના જણાવ્યા અનુસાર, ગત ચૂંટણીમાં 74.75 ટકા પુરૂષ અને 74.67 ટકા મહિલા મતદારોએ મતદાન કર્યું હતું.
