ગરવી તાકાત મહેસાણા : થરાદથી વિજાપુર તાલુકાના રણાસણ ગામે મામેરામાં આવેલી 14 વર્ષની સગીરાનું અપહરણ કરીને ભગાડી જઈ દુષ્કર્મ આચરનારા આરોપી મદદગારી કરનાર તેના ભાઈ સહિત બંનેને મહેસાણા પોક્સો કોર્ટે 20 વર્ષની સખત કેદની સજા અને રૂ.32 હજાર દંડ ફટકાર્યો. ઊંઝા તાલુકાના ડાભી ગામનો વિજયજી દીપાજી ઠાકોર સોશિયલ મીડિયાના માધ્યમથી થરાદમાં પરિવાર સાથે રહેતી 14 વર્ષની સગીરાના સંપર્કમાં આવ્યો.
દરમિયાન, સગીરા વિજાપુર તાલુકાના રણાસણ ગામે મામેરામાં ગઈ તે સમયે વિજયજીએ તેને ફોન કરી બોલાવીને પોતાના ભાઈ અશોકજી દીપાજી ઠાકોરના બાઈક પર બેસાડીને લાલચ આપીને ભગાડી ગયો અને સગીરાની મરજી વિરુદ્ધ દુષ્કર્મ આચર્યું વિજાપુર પોલીસ મથકે ફરિયાદ નોંધાયા બાદ પોલીસે ચાર્જસીટ કરી.
જે અંગેનો કેસ મહેસાણાની પોક્સો કોર્ટમાં ચાલી જતાં સરકારી વકીલ સી.બી. ચૌધરીની દલીલો અને પુરાવાને આધારે જજ એમ.એફ. ખત્રીએ દુષ્કર્મ આચરનારા વિજયજી ઠાકોર અને સગીરાને ભગાડવામાં મદદ કરનાર તેના ભાઈ અશોકજી ઠાકોર બંને સગાભાઈઓને પોક્સોની કલમ હેઠળ દોષિત ઠેરવી 20 વર્ષની સખત કેદની સજા અને રૂ.32 હજાર દંડ ફટકાર્યો.
