ગરવી તાકાત અરવલ્લી : સામાજિક સુરક્ષા અને ભરોસાનું પ્રતિક ગણાતી એસટી બસના ડ્રાયવરે પવિત્ર સંબંધોને કલંકિત કરતી ઘટનાને અંજામ આપ્યો ભિલોડા એસટી ડેપોમાં ફરજ બજાવતા ડ્રાયવરે સ્કૂલે જતી સગીરાને લગ્નની લાલચ આપી તેની મરજી વિરુદ્ધ વારંવાર દુષ્કર્મ ગુજારતાં પંથકમાં ચકચાર મચી ગઈ આ મામલે પોલીસે પોકસો એક્ટ હેઠળ ગુનો નોંધી નરાધમ ડ્રાયવરની ધરપકડ કરી.
ભિલોડા પંથકની સગીરા ઘરેથી સ્કૂલે જવા એસટી બસમાં અપડાઉન કરતી તેની પર ભિલોડા એસટી ડેપોમાં ડ્રાયવર તરીકે ફરજ બજાવતા ભાણમેરના વિજય ગામેતી નામનો શખ્સ વાલીપણામાંથી અપહરણ કરી લઇ જઇ તેણીને લગ્ન કરવાની લાલચ આપી તેણીની મરજી વિરુદ્ધ અવારનવાર દુષ્કર્મ આચર્યું લગ્નની લાલચ આપી અવારનવાર ભોગ બનાવતાં સગીરાએ તેના મા-બાપને જાણ કરતાં સમગ્ર મામલો બહાર આવ્યો.
ત્યારે સગીરાની માતાએ દુષ્કર્મ આચરનાર ભાણમેરના વિજય ગામેતી વિરુદ્ધ ભિલોડા પોલીસ સ્ટેશનમાં ફરિયાદ નોંધાવતા ભિલોડા પોલીસે ભાણમેરના વિજય ગામેતી વિરુદ્ધ પોક્સો એકટની કલમ મુજબ ગુનો નોંધી વધુ તપાસ હાથ ધરી સગીરા પર દુષ્કર્મ આચરનાર વિજય ગામેતીને પોલીસે ઝડપી લઈ મોડાસા મોકલી વધુ તપાસ હાથ ધરી.
