કોટડાસાંગાણી તાલુકા ના શાપર-વેરાવળ માં અસહ્ય ઉકળાટ બાદ બપોરે વાતાવરણમાં અચાનક પલટો આવતા કાળા ડીબાંગ વાદળોનો ખડકલો જોવા મળતો હતો. જેમાં ભારે પવન સાથે વરસાદ નું આગમન થતા બને શહેર ના મેઈન રોડ પર પાણી વહેતા થયા હતા.અસહ્ય ઉકળાટ બાત અચાનક ભારે પવન ફૂંકાયા બાદ વરસાદ નું આગમન થતા ગરમી માં પણ થોડી રાહત શહેરીજનો ને મળી છે.વાવણી લાયક વરસાદ થતા ખેડૂતો માં પણ ખુશી નો માહોલ જોવા મળતો હતો.

પહેલા વરસાદમાં જ ડાંગના આહવામાં આભ ફાટ્યું, ખાપરી નદીમાં પૂર 

આહવા તાલુકાના ગલકુંડ વિસ્તારના ડુંગર પર આભ ફાટ્યું છે. જેના કારણે ત્યાં ધોધમાર વરસાદ થયો છે. આ સાથે આભ ફાટતા ખાપરી નદીમાં અચાનક ઘોડાપુર આવતા લોકોમાં આશ્ચર્ય ફેલાયું છે.  આહવા તાલુકાના ગલકુંડ વિસ્તારમાં આભ ફાટતા ધોધમાર વરસાદ તૂટી પડ્યો છે. ગુરુવારે સાંજે 4 વાગ્યાના અરસામાં સાપુતારા સહીત છુટા છવાયા વિસ્તારોમાં કાળાડિબાંગ વાદળો ઘેરાતા ગલકુંડ વિસ્તારના ડુંગર પર વાદળ ફાટતા ખાપરી નદીમાં અચાનક ઘોડાપુર આવતા લોકોમાં આશ્ચર્ય ફેલાયું હતું. ખાપરી નદીના કેચમેન્ટ એરિયામાં આવતા ડુબાઉ કોઝવે પર નદીના પૂર ફળી વળતા થોડા સમય માટે વાહન વ્યવહાર ઠપ્પ થયો છે. આમ, ડાંગ જિલ્લામાં મેઘાની ધમાકેદાર એન્ટ્રી થઈ છે. હાલ સમગ્ર ડાંગ જિલ્લામાં વાદળછાયું વાતાવરણ છવાયું છે.

• સુરત, નવસારી, વલસાડ, દમણ, દાદરા નગર હવેલી, અમરેલી, ભાવનગર, ગીર સોમનાથ, દીવમાં વરસાદની આગાહી

15 જૂને આ જિલ્લાઓમાં વરસાદની આગાહી

• નવસારી, વલસાડ, દમણ, દાદરા નગર, હવેલી, અમરેલી, ગીર સોમનાથમાં આગાહી

16 જૂને આ જિલ્લાઓમાં વરસાદની આગાહી

• નવસારી, વલસાડ, દમણ, દાદરા નગર હવેલી, અમરેલી, ગીર સોમનાથમાં વરસાદની આગાહી