ગરવી તાકાત પાલનપુર : પાલનપુર શહેર પશ્ચિમના પોલીસ ઇન્સ્પેક્ટર કે.એચ. બિહોલાના નેતૃત્વમાં વાહન ચોરીના ગુનાઓ ઉકેલવા અલગ અલગ ટીમો બનાવી પેટ્રોલિંગ હાથ ધરાયું હતું. પેટ્રોલિંગ દરમિયાન ખાનગી રાહે મળેલ બાતમીના આધારે અને નેત્રમ શાખા તથા નવા બસ સ્ટોપના તેમજ સ્થાનિક દુકાનદારોના સી.સી.ટી.વી. ફૂટેજ અને.
ટેકનિકલ મદદથી શંકાસ્પદ ઇસમોની ઓળખ કરી પુછપરછ કરવામાં આવી. પુછપરછમાં પાલનપુર શહેર પશ્ચિમ વિસ્તારમાંથી 3 બાઈક, અમીરગઢમાંથી 2 બાઈક અને શહેર પૂર્વમાંથી 1 બાઈક મળી 6 બાઈક મળી આવ્યા પોલીસે રૂપિયા 2 લાખનો મુદ્દામાલ કબજે કરી શ્રવણ કાન્તીભાઈ ખોખરીયા,
કિરણભાઈ ઉર્ફે મુન્નો મુંગળાભાઈ ખોખરીયા અને. દિપક મંછાભાઈ વાંછીયા (રહે,ગાગુ, તા. અમીરગઢ) ની અટકાયત કરી કાયદેસરની કાર્યવાહી હાથ ધરી. આ ત્રણે આરોપીઓ શહેરના ભીડભાડાવાળા વિસ્તારોમાંથી લોક તોડી બાઈક ચોરી કરતા ચોરાયેલ બાઈક પોતાના ઘેર કે ખેતરમાં છુપાવી રાખતા હતા.
