ગરવી તાકાત ગાંધીનગર : ભારતીય હવામાન વિભાગ (IMD) એ મંગળવાર સવાર સુધી પૂરા થતા આગામી 24 કલાક દરમિયાન ગુજરાતના ચાર જિલ્લાઓ – નવસારી, વલસાડ, દેવભૂમિ દ્વારકા અને કચ્છ – માં ભારે વરસાદની આગાહી સાથે ઓરેન્જ એલર્ટ જારી કર્યું છે. આગામી સાત દિવસ, 13 જુલાઈ સુધી, રાજ્યભરમાં હળવાથી ભારે વરસાદની શક્યતા છે. IMD બુલેટિન અનુસાર, સોમવારે નવસારી, વલસાડ, દમણ, દાદરા અને નગર હવેલી, દેવભૂમિ દ્વારકા અને કચ્છમાં અલગ અલગ સ્થળોએ ભારેથી અતિ ભારે વરસાદની શક્યતા છે. ડાંગ, તાપી, જામનગર અને પોરબંદર જેવા જિલ્લાઓમાં પણ ભારે વરસાદ પડી શકે છે.
8 જુલાઈના રોજ :- ગુજરાત ક્ષેત્રના જિલ્લાઓ – નવસારી, વલસાડ અને દમણ, દાદરા અને નગર હવેલીમાં અલગ અલગ સ્થળોએ ભારે વરસાદની શક્યતા છે.
9 જુલાઈના રોજ :- ડાંગ, તાપી, નવસારી, વલસાડ, દમણ અને દાદરા અને નગર હવેલીના છૂટાછવાયા સ્થળોએ ભારે વરસાદની સંભાવના છે.
10 જુલાઈના રોજ :- ડાંગ, તાપી, નવસારી, વલસાડ, દમણ અને દાદરા અને નગર હવેલીમાં ભારે વરસાદની સંભાવના છે.
11 જુલાઈના રોજ :- ભરૂચ, સુરત, ડાંગ, તાપી, નવસારી, વલસાડ, દમણ અને દાદરા અને નગર હવેલીના છૂટાછવાયા સ્થળોએ ભારે વરસાદની સંભાવના છે.
12 જુલાઈના રોજ :- બનાસકાંઠા, સાબરકાંઠા, અરવલ્લી, નવસારી, વલસાડ, દમણ, દાદરા અને નગર હવેલી અને કચ્છના છૂટાછવાયા સ્થળોએ ભારે વરસાદની સંભાવના છે.
13 જુલાઈના રોજ :- સાબરકાંઠા, અરવલ્લી, નવસારી, વલસાડ, દમણ, દાદરા અને નગર હવેલી અને અમરેલી અને ભાવનગરના સૌરાષ્ટ્ર-કચ્છ જિલ્લાઓમાં છૂટાછવાયા સ્થળોએ ભારે વરસાદની સંભાવના છે.
