મણીબેન એમ.પી શાહ મહિલા આર્ટ્સ કોલેજ ના NCC ના વિદ્યાર્થીઓ દ્વારા ટ્રાફીક ના નિયમો નું કઈ રીતે પાલન કરવું તે માટે લોકો ને માર્ગદર્શન આપ્યું

ગરવી તાકાત મહેસાણા: કડી તાલુકા ના જાહેરમાર્ગો 24 કલાક ધમધમી રહ્યા છે ત્યારે તાલુકાના ના તમામ માર્ગો નાના – મોટા વાહનો પસાર થઈ રહ્યા છે ત્યારે ઓવર સ્પીડ ના કારણે કે પોતાનું વાહન બેદરકારી પૂર્વક ચલાવવા ને કારણે નાના મોટા એક્સિડન્ટ થતાં જોવા મળી રહ્યા છે. અને અનેક પરીવાર ના લોકો મોતે ભેટ હોય છે.

જયારે કોઈ પરીવાર નો વ્યકિત પોતાનું વાહન લઇને કોઈ કામ ધંધા કે નોકરી માટે બહાર નીકળતાં હોય છે ત્યારે પોતાના પરીવાર ના લોકો ક્યારે પાછા આવશે તેની રાહ જોઈને બેઠા હોય છે પરંતુ નાના મોટા એક્સિડન્ટ ને કારણે યુવાન જ્યારે મૃત્યુ પામે છે ત્યારે સમગ્ર પરીવાર માં મોટી આફત આવી પડતી હોય છે ત્યારે આ બાબતને ધ્યાન માં રાખી ને લોકો માં જાગૃતિ આવે તે માટે મણીબેન એમ.પી શાહ મહિલા આર્ટસ કોલેજ કડી ના NCC ના વિદ્યાર્થીઓ ટ્રાફીક ના નિયમો નું પાલન કરવા માટે કડી ના અલગ અલગ જાહેર માર્ગો ઉપર નિકળતા વાહન ચાલકો ને  ટ્રાફીક ના નિયમોનું પાલન કરવા માટે લોકોને જાગૃતિ લાવવા માં આવી હતી.

કડી માં આવેલ હાઇવે ચાર રસ્તા,પાણી ની ટાંકી, અંડર બ્રિજ તથા અન્ય જગ્યાઓ પર જઇને કડી ના જાહેરમાર્ગો પર થી નિકળતા વાહન ચાલકો ને ઉભા રાખી ને પોતાના પાસે રહેલ વાહન ને કઇ રીતે ચલાવવું, હેલ્મેટ પહેરવું,ગાડી માં અવશ્ય સિટ બેલ્ટ પહેરવો, કોઈ પણ વાહન ની સાઈડ ધીમે થી કાપવી,વાહન માં રહેલ હોન નો યોગ્ય રીતે ઉપયોગ કરવો,વાહન ના માં આવેલ સાઈડ લાઇટનો યોગ્ય ઉપયોગ કઈ રીતે કરવો જેવી અનેક બાબતો નું જરૂરી માર્ગદર્શન આપવામાં આવ્યું. અને આ બાબતે ધ્યાન માં રાખી ને ચલાવતાં વાહનો ઓછી સંખ્યામાં એક્સિડન્ટ થતાં જોવા મળતાં હોય અને ચલાવી રહેલ દરેક વાહન ચાલકો નો  બચાવ પણ થઈ શકતો હોય છે.