ગરવી તાકાત સાબરકાંઠા : સાબરકાંઠા જિલ્લામાં ધોરણ 10 અને 12ની પૂરક પરીક્ષાનું આયોજન 23 જૂનથી 3 જુલાઈ 2025 દરમિયાન કરવામાં આવ્યું કલેક્ટર લલિત નારાયણ સિંઘ સાંદુની અધ્યક્ષતામાં હિંમતનગર કલેક્ટર કચેરીમાં આ અંગે બેઠક યોજાઈ. જિલ્લામાં ધોરણ 10ની પરીક્ષા માટે 11 કેન્દ્રો નક્કી કરવામાં આવ્યા.
આ કેન્દ્રોમાં ઉત્તર બુનિયાદી કન્યા વિદ્યાલય, એમ એમ પટેલ ઉચ્ચ માધ્યમિક શાળા, ઇલોલ ગ્રુપ સહકારી મંડળી હાઇસ્કૂલ, પરફેક્ટ હાઇસ્કૂલના બે યુનિટ, ગ્રોમોર સેકન્ડરી સ્કૂલના બે યુનિટ, ગાંભોઈ ગ્રુપ સેકન્ડરી સ્કૂલના બે યુનિટ, એન.જી જોશી હાઇસ્કૂલ અને કોટડિયા જે.એમ.સાર્વજનિક હાઇસ્કૂલનો સમાવેશ થાય છે.
ધોરણ 12 સામાન્ય પ્રવાહની પરીક્ષા માટે હિંમતનગરમાં માય ઓન હાઇસ્કૂલ અને મદ્રેસા હાઇસ્કૂલ એમ બે કેન્દ્રો રાખવામાં આવ્યા છે. વિજ્ઞાન પ્રવાહ માટે ચાર કેન્દ્રો નક્કી કરાયા છે. આમાં હિંમત હાઇસ્કૂલ યુનિટ-1, સ્વસ્તિક હાઇસ્કૂલ અને જૈન આચાર્ય આનંદ ધનસુરી વિધ્યાલયના બે યુનિટનો સમાવેશ થાય છે. બેઠકમાં કલેક્ટરે પરીક્ષા સંચાલન અંગે માર્ગદર્શન આપ્યું હતું. આ પ્રસંગે નિવાસી અધિક કલેક્ટર ક્રિષ્ના વાઘેલા અને જિલ્લા શિક્ષણ અધિકારી સહિત વિવિધ અધિકારીઓ હાજર રહ્યા હતા.
