— દૂધ, શાકભાજી, ખેતરનું પાણી સહિતની ચીઝ વસ્તુઓ આપવાનું બંધ કર્યું
— સમગ્ર મામલે યુવક અને યુવતી પરિવારજનો સાથે મહેસાણા જિલ્લા કલેક્ટર કચેરી દોડી આવ્યા હતા. સમગ્ર મામલે મામલે જિલ્લા કલેક્ટર અને મહેસાણા જિલ્લા પોલીસ વડા સમક્ષ આ મામલે યોગ્ય કાર્યવાહી કરવા રજૂઆત કરી હતી.
ગરવી તાકાત મેહસાણા: મહેસાણા જિલ્લામાં આવેલા પુદગામ ગણેશપુરા ગામમાં એક ચોંકાવનારી ઘટના સામે આવી છે. એક જ ગામના યુવક-યુવતીએ પ્રેમ લગ્ન કરી લેતા ગામ લોકોએ યુવક યુવતી સહિતના પરિવારના લોકોનો બહિષ્કાર કર્યો છે. તેમજ જીવન જરૂરિયાત વાળી ચીજવસ્તુઓ આપવા પર રોક લગાવી દેવામાં આવતા પીડિત પરિવારે જિલ્લા કલેક્ટર અને જિલ્લા પોલીસ વડા સમક્ષ આ મામલે યોગ્ય કાર્યવાહી કરવા રજૂઆત કરી છે.
મહેસાણા તાલુકાના ગણેશપુરા ગામમાં રહેતી પટેલ પરિવારની યુવતીને ગામના જ એક સથવારા પરિવારના યુવક સાથે આંખ મળી ગઈ હતી. બંને વચ્ચે પ્રેમ સંબંધ બંધાતા બંનેએ પરિવારની મરજી વિરૂદ્ધ લગ્ન કરી લીધા હતા. લગ્ન બાદ બંને પતિ-પત્ની તરીકે ગામમાં રહેતા હતા. બંને અલગ અલગ જ્ઞાતિના હોવાથી ગામના વડિલોને પસંદ ન આવતાં તમા
મ ગામ લોકોને ઉશ્કેરી યુવકના પરિવાર સાથે સબંધ તોડી હેરાન પરેશાન કરતા હતા. આ મામલે પતિ પત્નીએ ગ્રામ પંચાયતના સરપંચને લેખિતમાં રજૂઆત કરી હતી, પરંતુ સરપંચ દ્વારા કોઈ કાર્યવાહી કરવામાં આવી નહોતી.
— દૂધ શાકભાજી અને બોરનું પાણી આપવાનું પણ બંધ
પ્રેમ લગ્ન કરનાર યુવકના પરિવાર અને કુટુંબી સાથે ગામલોકોએ અત્યાચાર કરવામાં પાછી પાની નથી કરી. યુવકના પરિવા જનોને ગામલોકોએ દૂધ ઉત્પાદક મંડળીના કારોબારી સભ્યો થતા અન્ય આગેવાનો મળી અરજદાર અને સાસરી પક્ષના કુટુંબીજનોનો બહિષ્કાર કરી દૂધ- મંડળીમાંથી દૂધ, ઘી આપવું નહીં તેમજ ધમકીઓ આપી હતી.
પ્રેમ લગ્ન કરનાર યુવક યુવતીએ જાણે મોટો ગુનો કર્યો હોય તે રીતે અપમાનિત કરવામાં આવી રહ્યા હતા. તેમજ અગાઉ ગામમાં એક ધાર્મિક પાટોત્સવમાં યુવકના પરિવારજનોને મંદિર અને પાટોત્સવના ઉપસ્થિત રહેવા પર મનાઈ કરવામાં આવી હતી.
