મહેસાણા : મહેસાણામાં મોડી રાત્રે ભારે પવન અને વીજળીના કારણે એક મોટી દુર્ઘટના સર્જાઈ બાયપાસ પર આવેલા મારુતિ CNG પંપિંગ સ્ટેશન પર અઢી વાગ્યાના સુમારે વીજળી પડવાથી મોટો ધડાકો થયો હતો. વીજળી પડવાના કારણે CNG પંપના ઓનલાઈન ગેસ સ્ટોરમાં આગ ભભૂકી ઊઠી હતી. આ ઘટનાથી પંપ પર હાજર કર્મચારીઓ અને અન્ય લોકોમાં નાસભાગ મચી હતી.
તાત્કાલિક મહેસાણા ફાયર કંટ્રોલ રૂમને જાણ કરવામાં આવી હતી. ફાયર બ્રિગેડની ટીમે ઘટના સ્થળે પહોંચીને મોનીટરની મદદથી પાણીનો મારો ચલાવ્યો હતો. આગને સંપૂર્ણપણે કાબૂમાં લઈને બુઝાવી દેવામાં આવી હતી. ફાયર બ્રિગેડની સમયસર કામગીરીના કારણે CNG પંપ પર મોટી હોનારત ટળી હતી.
