ગરવી તાકાત મહેસાણા : મહેસાણાના મુલસણ ગામના જયેશભાઇ દંતાણીના ભાઇ અંબાલાલ દંતાણી તેમના બાઈક પર બનેવી અજયભાઈને સાથે લઇને સાંજે કુકસ થી દર્શન કરીને રાત્રે પરત ઘરે આવતા તે વખતે મહેસાણા થી ગોજારીયા તરફ જતા રોડ ઉપર ધરતી રીસોર્ટ નજીક કટ ઉપર બાઇક લઇ જતા હતા.
અને આ દરમિયાન મુલસણથી મહેસાણા તરફ હાઇવે ઉપર મુલસણ થી પુરઝડપે આવેલ ગાડીની ટક્કર મારતાં બાઇક ચાલક અંબાલાલને કચડતાં ઇજાઓ પહોંચી હતી,જેમાં અંબાલાલ દંતાણીનું ઘટના સ્થળે મોત નિપજ્યુ તેમના બનેવી અજયભાઈને પણ શરીરે ઇજાઓ થઇ.
બાદમાં કોઇએ ઇજાગ્રસ્તના ફોનથી જયેશભાઇને જાણ કરતાં તેઓ સ્થળ પર પહોંચ્યા અને 108 માં ઇજાગ્રસ્ત બનેલીને મહેસાણા સિવિલ સારવાર અર્થે લઇ જવાયા હતા.અકસ્માતમાં ભાઇના મોત અને બનેવીને ઇજા અંગે મુલસણના જયેશભાઈ રમેશભાઈ દંતાણીએ લાંઘણજ પોલીસ મથકે ગુનો નોંધાવ્યો.
