યુદ્ધમાં જનારા લોકોને ડર લાગે છે કે જો તેમને કંઈક થઈ જશે તો તેમના સંતાનો આગળ વધી શકશે નહીં
બીબીસીના અહેવાલ મુજબ, રશિયામાં આંશિક એકત્રીકરણની જાહેરાત બાદ અઢી લાખ સૈનિકોએ દેશ છોડી દીધો.
મોસ્કો : તા.29- રશિયા યુક્રેન સામે યુદ્ધમાં મોકલવામાં આવેલા સૈનિકોના શુક્રાણુઓને તેની ક્રાયોબેંકમાં સંગ્રહિત કરશે. ક્રાયોબેંક એવી જગ્યા છે જ્યાં વીર્ય સુરક્ષિત રાખવામાં આવે છે. રશિયાની ન્યૂઝ એજન્સીએ આ વિશે માહિતી આપી છે. રશિયન વકીલ સંઘના પ્રમુખ ઇગોર ટ્રુનોવ દ્વારા આ માંગણી કરવામાં આવી હતી. જેનો સરકારે સ્વીકાર કર્યો છે. હવે ત્યાંનું સ્વાસ્થ્ય મંત્રાલય સૈનિકોને આ સુવિધા મફતમાં આપવાની તૈયારી કરી રહ્યું છે. સ્વાસ્થ્ય મંત્રાલયનું કહેવું છે કે, તેઓ સૈનિકોના વીર્યને સુરક્ષિત રાખવા માટે સરકારી બજેટમાં અલગથી પૈસા આપશે. આ સુવિધા ફક્ત તે સૈનિકો માટે જ ઉપલબ્ધ હશે જેઓ 2022 થી 2024 દરમિયાન વિશેષ સૈન્ય અભિયાનમાં ભાગ લેશે.
બીબીસીના રિપોર્ટ અનુસાર રશિયામાં ઓક્ટોબરથી શુક્રાણુઓ સ્ટોર કરવાનો ટ્રેન્ડ વધ્યો છે. રશિયાએ સપ્ટેમ્બરમાં આંશિક ગતિશીલતાની જાહેરાત કરી હતી. એટલે કે સૈનિકોને યુદ્ધ માટે ભેગા કરવામાં આવી રહ્યા હતા. આ માટે 3 લાખથી વધુ લોકોનું રિઝર્વ ફોર્સ બનાવવામાં આવ્યું છે. જે નાગરિકો અગાઉ સેનામાં કામ કરી ચૂક્યા છે અને જેમને આર્મી ટ્રેનિંગનો અનુભવ છે તેમને રિઝર્વ ફોર્સમાં સામેલ કરવામાં આવે છે.
યુદ્ધમાં જનારા લોકોને ડર લાગે છે કે જો આ સમયગાળા દરમિયાન તેમને કંઈક થઈ જશે તો તેમના સંતાનો આગળ વધી શકશે નહીં. એટલા માટે લોકો પહેલેથી જ તેમના શુક્રાણુઓને ક્રાયોબેંકમાં સંગ્રહિત કરી રહ્યા છે. રશિયન અખબાર રોસેનબર્ગમાં કહેવામાં આવ્યું છે કે પહેલા માત્ર બીમાર લોકો જ તેમના સ્પર્મ સ્ટોર કરતા હતા. જેથી તેમના મૃત્યુ પછી પણ વંશનો વિકાસ થતો રહે. પરંતુ, યુદ્ધની શરૂઆત પછી, સંપૂર્ણ સ્વસ્થ લોકો પણ આ કરી રહ્યા છે.
બીબીસીના અહેવાલ મુજબ, રશિયામાં આંશિક એકત્રીકરણની જાહેરાત બાદ અઢી લાખ સૈનિકોએ દેશ છોડી દીધો. જેથી તેમને યુદ્ધમાં ન જવું પડે. રશિયન અધિકારીઓનું માનવું છે કે 2 લાખ રશિયનો કઝાકિસ્તાન ભાગી ગયા છે, કારણ કે અહીં જવા માટે રશિયનોને પાસપોર્ટની જરૂર નથી. આ સિવાય ઘણા રશિયનો જ્યોર્જિયા, આર્મેનિયા, અઝરબૈજાન, ઈઝરાયેલ, આર્જેન્ટિના અને પશ્ચિમ યુરોપના દેશોમાં પહોંચ્યા છે. હજુ પણ ચક્ર ચાલુ છે.
