ગરવી તાકાત બનાસકાંઠા : બનાસકાંઠા જિલ્લામાં ચાલી રહેલા મતદારયાદી ખાસ સઘન સુધારણા (SIR) કાર્યક્રમને વધુ અસરકારક બનાવવા જિલ્લા ચૂંટણી અધિકારી અને કલેક્ટર મિહિર પટેલના અધ્યક્ષસ્થાને એક બેઠક યોજાઈ પાલનપુર કલેક્ટર કચેરી ખાતે યોજાયેલી આ બેઠકમાં 21 નવેમ્બરે મેગા કલેક્શન દિવસ તરીકે કામગીરી કરવાનો નિર્ણય લેવાયો જિલ્લા ચૂંટણી અધિકારી મિહિર પટેલે જણાવ્યું કે, 21 નવેમ્બર, 2025ના રોજ સવારે 9 થી સાંજે 4 વાગ્યા સુધી સમગ્ર બનાસકાંઠા જિલ્લામાં SIR બાબતે મેગા કલેક્શન દિવસ તરીકે કામગીરી કરવામાં આવી.
આ દિવસે જિલ્લાની તમામ ગ્રામ પંચાયતો ખાતે સરપંચ, તલાટી, મધ્યાહ્ન ભોજન સસ્તા અનાજની દુકાનના સંચાલકો, આંગણવાડી કાર્યકર અને ગ્રામ પંચાયત VCE સહિતના લોકો ઉપસ્થિત. તેઓ હજુ સુધી ફોર્મ ન ભરાયા હોય તેવા લોકોના ગણતરી ફોર્મ ભરવાની પ્રક્રિયા હાથ ધરશે. શહેરી વિસ્તારોમાં પણ આ મેગા કેમ્પ અંતર્ગત કેમ્પનું આયોજન કરાયું જેથી પાલનપુર અને ડીસા સહિતના શહેરી વિસ્તારોમાં પણ ગણતરી ફોર્મ ભરવાની પ્રક્રિયા ઝડપી બનશે. આ ઉપરાંત, 22 અને 23 નવેમ્બરના રોજ બે દિવસ સવારે 9 થી બપોરે 4 વાગ્યા સુધી.
બી.એલ.ઓ. પોતાના મતદાન મથક ઉપર હાજર રહીને નાગરિકોના ગણતરી પત્રક જમા કરવાની કામગીરી કરશે. જિલ્લાના નાગરિકોને વહેલી તકે પોતાના ગણતરી ફોર્મ જમા કરાવવા અપીલ કરવામાં આવી આ ઝુંબેશનો મુખ્ય ઉદ્દેશ્ય પાત્રતા ધરાવતો કોઈ મતદાર રહી ન જાય અને પાત્રતા ન ધરાવતા મતદાર સામેલ ન થાય તે સુનિશ્ચિત કરવાનો આ બેઠકમાં નાયબ જિલ્લા ચૂંટણી અધિકારી ભવ્ય નિનામા સહિત વાવ, થરાદ અને બનાસકાંઠા જિલ્લાના ચૂંટણી સંબંધિત અધિકારીઓ ઉપસ્થિત રહ્યા.
