ગરવી તાકાત મહેસાણા : ઊંઝા તાલુકાના ખટાસણા રોડ પર આવેલી મે. દાદા ઈન્ડસ્ટ્રીઝના તમાકુના ગોદામમાં આગ લાગી આગની જ્વાળાઓ આકાશને આંબતી જોવા મળી ધુમાડાના ગોટેગોટા દૂર સુધી દેખાયા હતા.
આગની જાણ થતાં મહેસાણા મહાનગરપાલિકાના ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ અને ફાયર ફાઈટર્સે લગભગ 50 હજાર લિટર પાણીનો છંટકાવ કરીને છ કલાકની મહેનત બાદ આગને કાબૂમાં લીધી આગ પર નિયંત્રણ મેળવવા માટે જેસીબી મશીનની મદદથી ગોદામની દીવાલો તોડવી પડી હતી.
ગોદામમાં રહેલો તમાકુનો મોટો જથ્થો અને અન્ય માલસામાન આગમાં બળીને ખાખ થઈ ગયો આગના કારણે આસપાસના વિસ્તારમાંથી મોટી સંખ્યામાં લોકો ઘટનાસ્થળે એકત્રિત થયા હતા. ફાયર વિભાગના અધિકારીઓએ જણાવ્યું કે આ ઘટનામાં કોઈ જાનહાની થઈ નથી.
