ગરવી તાકાત પાટણ : પાટણ જિલ્લા કોંગ્રેસ અને આરજીપીઆરએસ સંગઠને કલેક્ટર કચેરી ખાતે વિવિધ પડતર પ્રશ્નો અને અન્યાયી નીતિઓ સામે આવેદનપત્ર પાઠવ્યું આ આવેદનપત્ર રાધનપુર નગરપાલિકાના કોંગ્રેસના મહિલા સદસ્ય સાથેના ગેરવર્તન અને મધ્ય પ્રદેશમાં રાજ્યસભાની ચૂંટણીમાં કોંગ્રેસના ઉમેદવારનું ફોર્મ રદ થવા જેવા મુદ્દાઓ પર કેન્દ્રિત જિલ્લા કોંગ્રેસ પ્રમુખ ઘેમર દેસાઈએ જણાવ્યું રાધનપુર નગરપાલિકામાં કોંગ્રેસના ચૂંટાયેલા સદસ્ય જયાબેન ઠાકોર નગરપાલિકામાં હાજર તે સમયે ચીફ ઓફિસર.
અને સત્તા પક્ષના લોકોએ હોદ્દેદારોના નામે કહીને તેમને બળપૂર્વક બહાર કાઢી મૂક્યા આ ઘટનાના અનુસંધાનમાં પાટણ જિલ્લા કોંગ્રેસ દ્વારા કલેક્ટરને આવેદનપત્ર સોંપવામાં આવ્યું દેસાઈએ વધુમાં જણાવ્યું કોંગ્રેસ પાર્ટીના કોઈપણ સદસ્ય કે સભ્ય સાથે ભવિષ્યમાં જો આવું ગેરવર્તન કરવામાં આવશે તો પાટણ જિલ્લા કોંગ્રેસ તેને કોઈપણ ભોગે સાંખી લેશે નહીં આ મામલે આગામી સમયમાં કોંગ્રેસ પાર્ટી દ્વારા રાધનપુર નગરપાલિકાનો ઘેરાવ કરવાનો કાર્યક્રમ પણ ઘડી કાઢવામાં આવશે.
બીજી તરફ, આરજીપીઆરએસના જિલ્લા અધ્યક્ષ ભરત પરમારે માહિતી આપી થોડા સમય અગાઉ મધ્ય પ્રદેશમાં યોજાયેલી રાજ્યસભાની ચૂંટણીમાં કોંગ્રેસ પાર્ટીના ઉમેદવાર મીનાક્ષી નટરાજનનું ફોર્મ ભારતીય ચૂંટણી પંચ દ્વારા અલોકતાંત્રિક રીતે રદ કરી દેવામાં આવ્યું આ અન્યાયી નિર્ણયના વિરોધમાં સમગ્ર પાટણ જિલ્લા કોંગ્રેસ સમિતિ અને આરજીપીઆરએસ સંગઠન દ્વારા પાટણ જિલ્લા કલેક્ટર મારફતે ભારતના મહામહિમ રાષ્ટ્રપતિ દ્રૌપદી મુર્મુને સંબોધીને એક વિરોધ પત્ર અને આવેદનપત્ર સુપ્રત કરવામાં આવ્યું.
