ગરવી તાકાત બનાસકાંઠા : વાવ-થરાદ SOG શાખાએ બે અલગ-અલગ દરોડા પાડીને કુલ ₹15 લાખથી વધુનો વિદેશી દારૂ અને બિયરનો જથ્થો ઝડપી પાડ્યો આ કાર્યવાહીમાં લાખણી અને ટરુવા ગામની સીમમાંથી દારૂનો મોટો જથ્થો કબજે કરવામાં આવ્યો પ્રથમ ઘટના થરાદ પોલીસ સ્ટેશન વિસ્તારના ટરુવા ગામની સીમમાં બની SOGને મળેલી બાતમીના આધારે પ્રિન્સકુમાર ઠાકોર (રહે. ટરુવા ના ખેતરમાં આવેલા રહેણાંક મકાનમાં દરોડો પાડવામાં આવ્યો દરોડા દરમિયાન ઓસરીમાં પડેલા લોખંડના પટારામાંથી, બાથરૂમમાંથી અને ઘરની બાજુમાં ખેતરમાં બાજરીના ચારા નીચે તાડપત્રી ઢાંકીને સંતાડેલી.
ભારતીય બનાવટની વિદેશી દારૂની બોટલો અને બિયરના ટીન મળી આવ્યા કુલ 893 નંગ દારૂ/બિયર બોટલો/ટીન, જેની કિંમત ₹2,38,746/- થાય તે જપ્ત કરવામાં આવ્યા આ મુદ્દામાલ કબજે કરીને આરોપી પ્રિન્સકુમાર ઠાકોર વિરુદ્ધ પ્રોહિબિશન એક્ટ હેઠળ થરાદ પોલીસ સ્ટેશનમાં કાયદેસરની કાર્યવાહી હાથ ધરવામાં આવી બીજી કાર્યવાહી આગથળા પોલીસ સ્ટેશન વિસ્તારના લાખણી ગામની સીમમાં લાખણી-વાસણા રોડ ઉપર કરવામાં આવી SOG સ્ટાફ પેટ્રોલિંગમાં ત્યારે મળેલી બાતમીના આધારે એક પીકઅપ ડાલા ગાડીને રોકવામાં આવી.
ગાડીની તપાસ કરતાં તેમાં કતરની આડમાં સંતાડેલો વિદેશી દારૂનો મોટો જથ્થો મળી આવ્યો કુલ 3264 નંગ દારૂની બોટલો અને બિયરના ટીન, જેની કિંમત ₹8,21,847/- થાય તે જપ્ત કરવામાં આવ્યા આ ઉપરાંત પીકઅપ ગાડી અને એક મોબાઈલ ફોન સહિત કુલ ₹13,26,847/-નો મુદ્દામાલ કબજે કરવામાં આવ્યો પોલીસે આરોપી ઓમપ્રકાશ હરીરામ તરીગર (રહે. મેડા જાગીર, તા. સાંચોર, જી. જાલોર, રાજ.)ની ધરપકડ કરીને આગથળા પોલીસ સ્ટેશનમાં પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી કરી.
