ગરવી તાકાત પાટણ : સિદ્ધપુર પોલીસે શહેરમાં બનેલી એક ઘરફોડ ચોરીનો ભેદ ગણતરીના કલાકોમાં ઉકેલી કાઢ્યો પોલીસે બે આરોપીઓની ધરપકડ કરી તેમની પાસેથી ચોરીનો તમામ મુદ્દામાલ રિકવર કર્યો આ ચોરી સિદ્ધપુરના સમ્રાટ સિંગ સેન્ટરમાંથી થઈ પાટણ જિલ્લામાં મિલકત વિરુદ્ધના વણશોધાયેલા ગુનાઓ શોધી કાઢવા માટે પોલીસ મહાનિરીક્ષક ચિરાગ કોરડીયા, સરહદી રેન્જ કચ્છ-ભુજ અને પાટણના પોલીસ અધિક્ષક વી.કે.નાયીની સૂચના હેઠળ આ કાર્યવાહી કરવામાં આવી નાયબ પોલીસ અધિક્ષક કે.કે. પંડ્યા અને પોલીસ ઇન્સ્પેક્ટર જે.બી. આચાર્યના સીધા માર્ગદર્શન હેઠળ સિદ્ધપુર પોલીસે આ સફળતા મેળવી.
આ ગુનો 19 નવેમ્બર,2025ના રોજ સિદ્ધપુર પોલીસ સ્ટેશનમાં નોંધાયો પોલીસે આ ગુનાનો ભેદ ઉકેલવા માટે સીસીટીવી કેમેરા અને હ્યુમન સોર્સિસની મદદ લીધી પોલીસ સબ-ઇન્સ્પેક્ટર જે.આર. શુક્લાને મળેલી બાતમીના આધારે, સિદ્ધપુર ગંજ બજાર સામે આવેલા હીરાપન્ના કોમ્પ્લેક્સ આગળ બે શંકાસ્પદ ઇસમો ઊભા હોવાનું જણાયું. પોલીસે તાત્કાલિક ઘટનાસ્થળે પહોંચી બંને શંકાસ્પદ વ્યક્તિઓને ઝડપી પાડ્યા પૂછપરછ દરમિયાન, તેઓએ ગુનાની કબૂલાત કરી આરોપીઓએ જણાવ્યું કે 18 નવેમ્બર, 2025ના રોજ રાત્રિના સમયે તેઓએ સિદ્ધપુર જૂના બસ સ્ટેન્ડ સામે આવેલી સમ્રાટ સિંગ સેન્ટર દુકાન નંબર 49નું શટરનું તાળું તોડી, શટર ઊંચું કરીને દુકાનમાં પ્રવેશ કર્યો.
દુકાનની અંદર કાઉન્ટરના ટેબલના ખાનામાંથી રોકડ રૂપિયા 15,200ની ચોરી કરીને ફરાર થયા પકડાયેલા બે આરોપીઓમાંથી લલિતભાઈ દશરથભાઈ પરમાર (ઉં.વ. 30, રહે. દેથળી પરમારવાસ, તા. સિદ્ધપુર)ની અંગઝડતી માંથી પેન્ટના ખિસ્સામાંથી રોકડ રૂપિયા 10,000 મળી આવ્યા જ્યારે બીજા આરોપી કરણજી રતુજી ચંદુજી ઠાકોર (ઉં.વ. 23, રહે. સિદ્ધપુર ઈદગાહવાસ, તા. સિદ્ધપુર)ની અંગઝડતીમાંથી રોકડ રૂપિયા 5,200 અને એક મોબાઈલ ફોન (કિંમત રૂપિયા 5,000) મળી આવ્યો પોલીસે ઘરફોડ ચોરીના મુદ્દામાલ સાથે બંને આરોપીઓની ધરપકડ કરીને ગણતરીના કલાકોમાં જ વણશોધાયેલો ગુનો ઉકેલી કાયદેસરની કાર્યવાહી હાથ ધરી.
