શાપરની કંપનીમાં રહેતો મૂળ બંગાળી યુવાન વતનમાં રહેતી તેની પ્રેમિકા સાથે મોબાઈલ પર વાતચીત દરમિયાન ઝઘડો થયો હતો
રાજકોટ તા. 14 – શાપરમાં કંપનીમાં મજૂરી કામ કરતા બંગાળી યુવાન ને રાત્રિના સમયે મોબાઇલ પર પ્રેમિકા
સાથેની વાતચીત દરમિયાન કોઈ બાબતે માથાકૂટ થતા વહેલી સવારે યુવાને બ્લેડ વડે તેનો ગુપ્તાંગ વાઢી નાખતા તેને હોસ્પિટલે ખસેડાયો હતો.આ અંગે હાલ શાપર પોલીસના સ્ટાફે કાર્યવાહી કરી હતી.
શાપરમાં આવેલી મસ્કત પોલીકેટ કંપનીમાં રહી મજૂરી કામ કરતો મૂળ બંગાળનો પ્રસંગજીત નુડીશ બરવન નામનો 20 વર્ષે યુવાન ગઈકાલે મોડી રાત સુધી તેની પ્રેમિકા સાથે મોબાઈલ પર વાતચીત કરી રહ્યો હતો ત્યારે પ્રેમિકા સાથે કોઈ બાબતે માથાકૂટ થતા ઉશ્કેરાયેલા યુવાને આજે વહેલી સવારે ચારેક વાગ્યે બ્લેડ લઈ પોતાનું ગુપ્તાંગ વાઢી નાખ્યું હતું.ત્યારબાદ તેની ઓરડીમાં જ રહેતા અને તે કંપનીમાં જ કામ કરતા શ્રમિકો ને જાણ થતા લોહી લુહાણ હાલતમાં યુવકને સરકારી હોસ્પિટલે ખસેડવામાં આવ્યો હતો.આ અંગે શાપર પોલીસે યુવકનું નિવેદન લેવા કાર્યવાહી શરૂ કરી છે તેમજ સિવિલ હોસ્પિટલમાં યુવકને સારવાર આપવામાં આવી હતી.
