સાણંદ પત્નીને મૂકીને આવી રહેલા યુવક નાનીકડી નર્મદા કેનાલ પર બાઈક રોડના ખાડામાં પટકાતા યુવક નીચે પસડાઈ જતાં મોત નિપજ્યું

— કાઝના યુવકનું મોત :

— યુવક પત્નીને મૂકવા સાણંદ ગયો હતો :

ગરવી તાકાત મહેસાણા : કડી તાલુકાના નાની ચોકડી પાસેથી પસાર થતી નર્મદા કેનાલના સર્વિસ રોડ ઉપર સાણંદ પત્નીને મૂકીને ઘરે આવી રહેલા યુવકનું  બાઈક રોડના ખાડામાં પછડાતાં  યુવક રોડ ઉપર પછડાયો હતો જ્યાં તેને ગંભીર ઈજાઓ પહોંચી હતી અને ઘટના સ્થળે જ મોત નિપજ્યું હતું

કડી તાલુકાના  નાનીકડી ગામ પાસેથી મુખ્ય નર્મદા પસાર થઈ રહી છે અને મૂળ કાઝ ગામના ઠાકોર વિશાલ તેમની પત્નીને સાણંદ પોતાનું બાઈક નંબરGJ 1 NJ 6819 લઇને સોમવારે ગયાં હતાં જ્યાં મંગળવારે સવારે તેઓ પોતાની પત્નીને સાણંદ મૂકીને ઘરે આવી રહ્યાં હતાં જે દરમ્યાન કડીના નાની કડી પાસે નર્મદા કેનાલના સર્વિસ રોડ ઉપર પહોંચતા રોડ ઉપર પડેલ ખાડામાં તેઓનું બાઈક અથડાતા બાઈકનો કાબુ ગુમાવીને રોડ ઉપર વિશાલ ઠાકોર પસડાયાં હતાં

જ્યાં અકસ્માત સર્જાતા રોડ ઉપરથી નીકળતા રાહદારીઓ ઊભા રહીને જોયું તો વિશાલ ઠાકોર ને માથાના ભાગે તથા અન્ય ભાગે ઈજાઓ પહોંચી હતી  જ્યાં રાહદારીઓએ 108 એમ્બ્યુલન્સને ફોન કરતા ઘટના સ્થળે 108 એમ્બ્યુલન્સ આવી પહોંચી હતી અને વાલી વારસનો સંપર્ક કરતા  તેમના સગા સંબંધીઓ ઘટનાસ્થળે દોડી આવ્યાં હતા અને ઘટનાસ્થળે જ વિશાલ ઠાકોરનું મોત નિપજ્યું હતું  જ્યાં કરી પોલીસને જાણ કરાતા કડી પોલીસે અકસ્માતનો ગુનો દાખલ કરીને કાર્યવાહી કરી હતી.

તસવિર અને અહેવાલ : જૈમિન સથવારા – કડી