ગરવી તાકાત મેહસાણા: મહેસાણા જિલ્લામાં કોરોનાનો કહેર યથાવત છે. જો કે, છેલ્લા બે ત્રણ દિવસથી નવા નોંધાતા કેસમાં ઘટાડો થયો છે. જિલ્લામાં ગઈકાલે મંગળવારે 132 કેસ નોંધાતા એક્ટિવ કેસનો આંક 1660 થયો છે. નોંધનીય છે કે છેલ્લા બે દિવસ દરમિયાન 300 કેસ નોંધાયા છે.
મંગળવારે જિલ્લામાં નવા 3545 સેમ્પલ લેવામાં આવ્યા છે ત્યારે હજુ પણ 8917 સેમ્પલના પરિણામ પેન્ડિગ છે. જિલ્લામાં ગઈકાલે 283 દર્દીને ડિસ્ચાર્જ કરવામાં આવ્યા હતા. ઉલ્લેખનીય છે કે શહેરી વિસ્તારોમાં 35 કેસ, જ્યારે ગ્રામીણ વિસ્તારોમાં 96 કેસ નોંધાયા છે.
મહેસાણા સિટીમાં ગઈકાલે 17 કેસ ગ્રામીણમાં 32 કેસ,વિસનગર સિટીમાં 5 અને ગ્રામ્યમાં 5 ,વડનગર સિટીમાં 4 અને ગ્રામ્યમાં 3,ખેરાલુ સિટીમાં 0 અને ગ્રામ્યમાં 2,સતલાસણા ગ્રામ્યમાં 1 કેસ, ઊંઝા સિટીમાં 2 કેસ અને ગ્રામ્યમાં 5 વિજાપુર સિટીમાં 2 કેસ અને ગ્રામ્યમાં 19 ,બેચરાજી સિટીમાં 0 અને ગ્રામ્યમાં 14 ,જોટાણા ગ્રામ્યમાં 6 કેસ કડી સિટીમાં 4 કેસ અને ગ્રામ્યમાં 8 કેસ મળી નવા 132 કેસ સામે આવ્યા છે.
