ગરવી તાકાત મેહસાણા: મહેસાણા જિલ્લામાં છેલ્લા એક અઠવાડિયા દરમિયાન કોરોના સંક્રમણમાં એકાએક ઘટાડો જોવા મળી રહ્યો છે. જિલ્લામાં ગઈકાલે બુધવારે કોરોનાના નવા 105 કેસ નોંધાયા છે. તેમજ 228 દર્દીને ડિસ્ચાર્જ કરવામાં આવ્યા છે. ત્યારે હાલમાં એક્ટિવ કેસનો આંક પણ ઘટ્યો છે. જિલ્લામાં એક્ટિવ કેસનો આંક ઘટીને 1073 થયો છે. જિલ્લામાં ગઈકાલે નવા 3193 સેમ્પલ લેવામાં આવ્યા હતા.
મહેસાણા જિલ્લામાં કોરોનાના કેસમાં ઘટાડો નોંધાયો છે. સાથે મોટી સંખ્યામાં દર્દીઓ ડિસ્ચાર્જ થતા એક્ટિવ કેસનો આંક પણ ઘટી રહ્યો છે. ગઈકાલે 228 દર્દીઓ કોરોનાને માત આપી સાજા થયા હતા જિલ્લામાં હજુ પણ 3601 સેમ્પલના પરિણામ પેન્ડિંગ જોવા મળી રહ્યા છે. ગઈકાલે શહેરી વિસ્તારમાં 35 કેસ, જ્યારે ગ્રામ્ય વિસ્તારોમાં 70 કેસ નોંધાયા હતા.
મહેસાણા તાલુકામાં ગઈકાલે 62 કેસ,વિસનગર તાલુકામાં 1,વડનગર તાલુકામાં 2, ખેરાલુ તાલુકામાં 1,સતલાસણા તાલુકામાં 1 ,ઊંઝા તાલુકામાં 3 ,વિજાપુર તાલુકામાં 1 , બેચરાજી તાલુકામાં 10 ,જોટાણા તાલુકામાં 11 ,કડી તાલુકામાં 13 કેસ મળી નવા 105 કેસ નોંધાયા હતા.
