ગરવી તાકાત અરવલ્લી : મોડાસામાં જીનિયસ ગ્રાઉન્ડની બાજુમાંથી ચોરી કરેલા કેબલ વાયર લઈને ચાંદ ટેકરીથી નીલગીરીઓની અંદર થઈ રેલવે ફાટક તરફ જઈ રહેલી રિક્ષા રોકીને એસઓજીએ 20હજારના કેબલના પાંચ બંડલ સાથે ચાંદ ટેકરીના બે તસ્કરોને ઝડપી પાડ્યા હતા. મોડાસા શહેરી વિસ્તારમાં એસઓજીનો સ્ટાફ પીઆઇ વાઘેલાની સૂચનાથી પેટ્રોલિંગમાં હતો. તે દરમિયાન ચાંદ ટેકરીથી નીલગીરીની અંદર થઈ રેલવે ફાટક તરફ જતાં રોડ ઉપર રિક્ષામાં બે શખ્સો પસાર થઈ રહ્યા હતા.
એસઓજીએ રિક્ષા રોકીને તેની તલાશી લેતાં રિક્ષામાંથી કેબલ વાયરના જુદા જુદા ચાર ગૂંચડા અને ઇન્ટરનેટ લેન કેબલનું ગૂંચડું નંગ એક મળ્યું હતું. પોલીસે આગવી ઢબે રિક્ષામાં રહેલા કેબલ અંગે પૂછપરછ કરતાં બંને આરોપીઓએ તા.25 નવેમ્બરે રાત્રિના સમયે જીનિયસ ગ્રાઉન્ડની બાજુમાં બંધ પડેલ કોમ્પ્લેક્સ નજીક મંડપ બાંધેલો હતો.
તેની બાજુમાં કેબલ વાયરની ચોરી કર્યાનું જણાવતા ટાઉન પોલીસ સ્ટેશનમાં આરોપી લાદીમ ફકીર મોહમ્મદ મુલતાની (22) અને ઈરફાન ઈબ્રાહીમ મુલ્તાની (32) બંને રહે. ચાંદ ટેકરી મોડાસા સામે ગુનો નોંધી પોલીસે 20હજારના કેબલ વાયર તેમજ મોબાઇલ અને રિક્ષા સહિત કુલ રૂ.180520નો મુદ્દામાલ કબજે લઈ વધુ તપાસ હાથ ધરી છે.
