મહેસાણા જિલ્લામાં હીટવેવની આગાહી જારી કરવામાં આવી છે

ગરવી તાકાત, મહેસાણા તા. 28 – મહેસાણા ડિઝાસ્ટર શાખાના DPO કે.બી. પ્રજાપતિની અખબારી યાદીમાં જણાવ્યા પ્રમાણે ભારતીય હવામાન વિભાગ, અમદાવાદ દ્વારા આગામી સમયમાં સમગ્ર રાજ્ય સહિત મહેસાણા જિલ્લામાં હીટવેવની આગાહી જારી કરવામાં આવી છે. હીટવેવ દરમિયાન અને આગામી ગરમીના દિવસોમાં લૂની અસરથી બચવા માટે મહેસાણા જિલ્લાના તમામ નાગરિકો માટે રક્ષણાત્મક સૂચનો જાહેર કરવામાં આવ્યા છે. જેમાંં જણાવ્યા અનુસાર હીટવેવ દરમિયાન ઘરની બહાર નીકળવાનું ટાળવું જોઈએ. શરીર અને માથું ઢાંકીને રાખવું, સફેદ રંગના અને ખુલ્લા વસ્ત્રો પહેરવા જોઈએ. છત્રીનો ઉપયોગ કરવો, નાના બાળકો, સગર્ભા માતાઓ, વૃદ્ધ નાગરિકો, અશક્ત અને બીમાર વ્યક્તિઓએ તડકામાં વિશેષ કાળજી રાખવી જોઈએ.

આ ઉપરાંત સીધા સુર્યપ્રકાશથી બચવું જોઈએ. વારંવાર ઠંડુ પાણી, લીંબુ શરબત, મોળી છાસ, તાળફળી, નાળિયેરનું પાણી, ખાંડ-મીઠાનું દ્રાવણ અને ઓ.આર.એસ.લીકવીડ પૂરતા પ્રમાણમાં પીવા જોઈએ. બાળકો માટે કેસુડાના ફૂલ અને લીમડાના પાનનો સ્નાન માટેના પાણીમાં ઉપયોગ કરવો જોઈએ. શરીરનું તાપમાન નીચું આવે ત્યારે જ સ્નાન કરવું જોઈએ. છાંયડામાં રહેવું, બજારનો ખુલ્લો ખોરાક ના ખાવો અને બજારમાં વેચાતા બરફનો ઉપયોગ ન કરવો જોઈએ. દૂધ અને માવામાંથી બનેલી ફૂડ આઈટેમ્સ, ચા-કોફી અને આલ્કોહોલનું સેવન ટાળવું જોઈએ. ખાસ કરીને બપોરના 2 થી 4 કલાક સુધી બહાર નીકળવાનું ટાળવું જોઈએ.

ગરમીના દિવસોમાં માથાનો દુઃખાવો, પગની પીંડીઓમાં દુઃખાવો, શરીરનું તાપમાન ખુબ વધી જવું, ખુબ તરસ લાગવી, શરીરમાંથી પાણી ઓછું થઈ જવું, ઉલટી-ઉબકા થવા, ચક્કર આવવા, આંખે અંધારા આવી જવા, બેભાન થઈ જવું, મૂંઝવણ થવી અને અતિ ગંભીર કિસ્સામાં ખેંચ આવવી એ લૂ લાગવાના મુખ્ય લક્ષણો છે. ગરમીની મોસમ દરમિયાન સારું આરોગ્ય જળવાઈ રહે તે હેતુથી વરિયાળી, કાચી કેરી, ગુલાબ, ખસ અને કાળી દ્રાક્ષનું શરબત પીવું જોઈએ. રાત્રિ દરમિયાન કાળી દ્રાક્ષનું સેવન કરવું અને દિવસ દરમિયાન તરબૂચનું સેવન કરવું જોઈએ.

લૂ લાગવાની અસર જણાય તો તાત્કાલિક ધોરણે નજીકના પ્રાથમિક આરોગ્ય કેન્દ્ર, સાર્વજનિક આરોગ્ય કેન્દ્ર કે 108 સેવાનો સંપર્ક સાધવો જોઈએ. અઘટિત બનાવ બને તો મહેસાણા જિલ્લા ડિઝાસ્ટર કંટ્રોલ રૂમના ફોન નંબર ૦૨૭૬૨-૨૨૨૨૨૦ અને ટ્રોલ ફ્રી નંબર ૧૦૭૭ પર સંપર્ક સાધી શકાશે. આ ઉપરાંત હીટવેવ અંતર્ગત સમયાંતરે સરકાર દ્વારા જાહેર કરવામાં આવતી માર્ગદર્શિકાનું પાલન કરવા જિલ્લાના નાગરિકોને જિલ્લા કલેકટરશ્રી એમ નાગરાજન, જિલ્લા વિકાસ અધિકારીશ્રી ડૉ. હસરત જૈસમીન અને નિવાસી અધિક કલેકટરશ્રી એસ.સી.સાવલીયા દ્વારા અપીલ કરવામાં આવી છે.

ગરવી તાકાત, મહેસાણા તા. 10 – મહેસાણા પાટણ જિલ્લામાં ત્રણ મહિનામાં તોલમાપ વિભાગે વિવિધ ટિમો બનાવી વજન ઓછું આપતા હોય અને પેકેટ પર છાપેલ કિંમત પર ચેકચાક કરી ગ્રાહકો સાથે છેતરપીંડી કરનાર વ્યાપારીઓ એકમો સામે તોલમાપ વિભાગે તવાઈ બોલાવવામાં આવી હતી.જેમાં બે જિલ્લામા 151 કેસ કરવામાં આવ્યા હતા.તો બંને જિલ્લાના ઉક્ત કેસો પેટે વિભાગે રૂ 5.94 લાખની ત્રણ મહિનામાં દંડની વસૂલાત કરવામાં આવી છે. મહેસાણા તેમજ પાટણ જિલ્લામાં મદદનીશ નિયંત્રક કાનૂનીમાપ વિજ્ઞાન અને ગ્રાહક સુરક્ષા અધિકારી આર.ડી.પટેલ દ્વારા ગ્રાહકના હિતો માટે મહેસાણા અને પાટણ જિલ્લામાં 1 જુલાઈ થી 30 સપ્ટેબર દરમિયાન જુદા જુદા એકમોની ઓચિંતી તપાસ હાથ ધરાઈ હતી.

જેમાં ઘી લીગલ મેટ્રોલોજી એકટ 2009,ઘી ગુજરાત લીગલ મેટ્રોલો જી રુલ્સ 2011 થતા પેકેજીગ કોમોડિટી રુલ્સ 2011 ના ભંગ જેમાં પેકેટ પર નિર્દેશન ન કરેલા હોય તેવા વજન કરતા ઓછા માલ આપવો સહિત વિવિધ પ્રકારના કેસ મામલે વેપારી પેઢીઓ પર ઓચિંતી તપાસ કરતા હાથ ધરવામાં આવેલ કાર્યવાહી દરમિયાન બને જિલ્લામાં જુલાઈ થી સપ્ટેમ્બર માસ દરમિયાન 151 કેસ અને રૂ 5,94,100 ની વસુલાત કરવામાં આવી હતી.મહેસાણા અને પાટણ જિલ્લામાં તોલમાપ વિભાગની કાર્યવાહી પગલે વેપારીઓમાં ફફડાટ પ્રસરી જવા પામ્યો હતો.

વેપારી એકમો અને કરવામાં આવેલ કેસ અને વસુલાત

(1)ઓઇલ ઉત્પાદક 3 કેસ 120000 વસુલાત

(2)આર.એમ.સી પ્લાન્ટ 2 કેસ 116000 વસુલાત

(3)પેકર ઉત્પાદક 2 કેસ 116000 વસુલાત

(4)હાર્ડવેર 5 કેસ 66000 વસુલાત

(5)રેતી સપ્લાયર 6 કેસ 57000 વસુલાત

(6)શાકભાજી ફૂટ વેપારી 82 કેસ 20500 વસુલાત

(7)વાસણ 8 કેસ 20500 વસુલાત

(8)કરીયાણા ત્યાં 13 કેસ 8000 વસુલાત

(9)દૂધ ઠંડા પીણા પાર્લર 3 કેસ 5000 વસુલાત

(10)ચા પેકિંગ 2 કેસ 4500 વસુલાત

(11)જવેલર્સ 2 કેસ 3000 વસુલાત

(12)ખાંડ તેલ ઘી 2 કેસ 2500 વસુલાત

(13પેટ્રોલ ડીઝલ પપ 1 કેસ 2000 વસુલાત

(14)તેલ ખોળ 3 કેસ 2500 વસુલાત

(15)બેકરી 1 કેસ 2000 વસુલાત

(16)મીઠાઈ ફરસાણ 1 કેસ 2000 વસુલાત

(17)વે બ્રિજ ટીબર માર્ટ 2 કેસ 2000 વસુલાત

(18)બિયારણ 1 કેસ 1000 વસુલાત

(19)અન્ય 9 કેસ 6000 વસુલાત કરવામાં આવી