ગરવી તાકાત મેહસાણા: તાજેતરમાં ઇડર ખાતે આંગડિયા પેઢીના માણસને બંદુક બતાવી રૂપિયા 8 લાખ 61 હજાર 500ની લૂંટ કરનાર ટોળકીના સભ્યો પૈકી ચાર આરોપીને મુદ્દામાલની રોકડ રકમ રૂ. 40 હજાર તથા સોનાના દાગીના તથા કાચ જેવા હીરાના નાના નાના ટુકડાના પેકેટ નંગ-32 મળી કુલ રૂ. 1 લાખ 15 હજાર 900ના મુદામાલ સાથે પાટણ એલસીબી પોલીસે સિદ્ધપુર સરસ્વતી નદીનાં પુલ નીચેથી ઝડપી લીધા હતા.
ઇન્ચાર્જ પોલીસ ઇન્સપેકટર એલ.સી.બી. પાટણ તથા એસઓજી, પાટણ પોતાની ટીમ સાથે સિદ્ધપુર પોલિસ સ્ટેૃશન વિસ્તારમાં મિલ્કત સંબંધી ગુનાઓ શોધવા સારૂ પેટ્રોલીંગમાં હતા. દરમિયાન તાજેતરમાં ઇડર ખાતે થયેલ આંગડીયા લુંટને અંજામ આપનાર આરોપીઓ હાલમાં સિદ્ધપુર બિંદુ સરોવર નજીક આવેલ સિદ્ધપુર નદીના પુલ નીચે ભેગા થયેલા છે એવી બાતમી મળી હતી.
ભેગા થઇ આજથી બે દિવસ અગાઉ ઇડર શહેરમાં આંગડીયા લુંટ કરેલી છે.
આ ઈસમોની અંગ ઝડતી કરતા તેમની પાસેથી રોકડ રકમ રૂપિયા 40 હજાર તથા સોના જેવી પીળી ધાતુની ચેનનો ટુકડો કિંમત રૂપીયા 44 હજાર 900 તથા કાચ જેવા પ્રદાર્થના હીરા જેવા નાના મોટા ટુકડાના પેકેટ નંગ-32 કિંમત રૂપીયા 20 હજાર તથા મોબાઇલ નંગ – 04 કિંમત રૂ. 11 હજાર તથા એક હિરો કંપનીનુ એચએફ.ડીલકસ મોટર સાયકલ GJ-2-BL-3922 કિંમત રૂપીયા 25 હજાર મળી કુલ રૂપીયા 1 લાખ 15 હજાર 900નો મુદ્દામાલ કબ્જે કરાયો હતો.
પકડેલા આરોપીઓ વિરૂદ્ધ કાયદેસરની કાર્યવાહી હાથ ધરવા માટે તપાસ સિદ્ધપુર પોલીસ સ્ટેશનને સોંપવામાં આવી હોવાનું જિલ્લા પોલીસ વડા અક્ષયરાજ મકવાણાએ જણાવ્યું હતું
