ગરવી તાકાત, તા. 09 – વૈદિક જ્યોતિષ શાસ્ત્ર અનુસાર દર મહિને ગ્રહોનું રાશિ પરિવર્તન થાય છે. જુલાઈ મહિનો શરૂ થઈ ગયો છે. આ મહિનામાં ઘણા ગ્રહોનું રાશિ પરિવર્તન થશે. જેની શરુઆત જુલાઈ મહિનાના પહેલા જ દિવસે એટલે કે 1 જુલાઈના રોજ થઈ ચુકી છે. 1 જુલાઈએ મંગળ ગ્રહે સિંહ રાશિમાં પ્રવેશ કર્યો હતો. ત્યારબાદ 8 જુલાઈએ શુક્ર ગ્રહે પણ સિંહ રાશિમાં પ્રવેશ કર્યો છે. સિંહ રાશિમાં શુક્ર અને મંગળના એક સાથે પ્રવેશના કારણે બંને ગ્રહોની યુતિ સર્જાઈ છે. સિંહ રાશિમાં આ બંને ગ્રહોની યુતિ સર્જાવાના કારણે આ રાશિના લોકોને વિશેષ લાભ થવાનો છે.
કર્ક રાશિ – સિંહ રાશિમાં મંગળ અને શુક્રના પ્રવેશથી કર્ક રાશિના જાતકોને વિશેષ લાભ મળવાના છે. આ સમય દરમિયાન કર્ક રાશિના લોકોને અચાનક ધન લાભ થશે. આ રાશિના સંપત્તિ અને વાણીના ભાવમાં આ યુતિ થવા જઈ રહી છે. તેથી આ સમયે કર્ક રાશિના જાતકો આર્થિક સમૃદ્ધિ પ્રાપ્ત કરશે. આ સમયે ફસાયેલા પૈસા પાછા મળી શકે છે. તેની અસર વાણીમાં જોવા મળશે. લોકોના જીવનમાં પણ તેની અસર થશે. કાર્યસ્થળ પર નોકરીયાત લોકોનું વર્ચસ્વ વધશે.
કુંભ રાશિ – સિંહ રાશિમાં મંગળ અને શુક્રના પ્રવેશના કારણે કુંભ રાશિના લોકો માટે સમય ફાયદાકારક રહેશે. આ રાશિના સાતમા ઘરમાં આ યુતિ બનવા જઈ રહી છે. આ સમયે પરિણીત લોકોનું જીવન સુખમય રહેશે. ભાગીદારીનું કામ કરનારા લોકોને પણ આ સમયગાળા દરમિયાન ઘણો લાભ મળશે. આ સમયે તમને આવકના નવા માધ્યમો પણ મળી શકે છે. જો તમે ક્યાંક ફરવા જવાની યોજના બનાવી રહ્યા છો તો તે પૂર્ણ થશે. અવિવાહિત લોકોને લગ્નનો પ્રસ્તાવ મળી શકે છે.