મૃતક પરિવારના ઘરે પહોંચી પૂર્વ ગૃહમંત્રી વિપુલ ચૌધરીએ આશ્વાસન આપ્યું
મૃતકના ભાઈ જસુભાઈ ચૌધરીએ આ ઘટના અંગે શું જણાવ્યું?
ગરવી તાકાત, મહેસાણા તા. 02- પરિવારે આ ઘટના અંગે વાત કરતા જણાવ્યું છે કે તેઓ કાયદેસર રીતે વિઝિટર વિઝા પર બે મહિના પહેલા કેનેડા ગયા હતા અને તેઓ અમેરિકા જઈ રહ્યા હતા કે કેમ તે અંગે કોઈ વિગતો તેમની પાસે નથી. કેનેડાની સ્થાનિક પોલીસ દ્વારા આ મામલે વધુ તપાસ કરવામાં આવી રહી છે. રાજ્યના પૂર્વ ગૃહ રાજ્યમંત્રી વિપુલ ચૌધરીએ પણ આ ઘટના અંગે દુઃખ વ્યક્ત કરીને સવાલ ઉઠાવ્યા છે. વિપુલ ચૌધરી દુઃખ વ્યક્ત કરવા મૃતક પરિવારના ઘરે પહોંચી આશ્વાસન આપ્યું હતું.
વિધાનસભા અધ્યક્ષ શંકર ચૌધરીએ આ ઘટના અંગે દુઃખ વ્યક્ત કરતાં જણાવ્યું છે કે, પરિવાર બોટિંગ કરતો હતો કે ત્યાંથી અમેરિકા જતો હતો તે તપાસનો વિષય છે. જેઓ મૃત્યુ પામ્યા છે તેમના મૃતદેહ ગામમાં પરત લાવવામાં આવે તે માટે સરકારી તંત્રને ઉજાગર કરી રહ્યા છીએ અને કરતા રહીશું. આવી ઘટનાઓ બનતા અમે અમારું સંગઠન અમેરિકા અને કેનેડામાં કરવું જોઈએ એવો ખ્યાલ આવી રહ્યો છે. કોઈને રોજગારી માટે બહાર ના જવું પડે તેવા સહિયારા પ્રયત્નો કરીશું તેમ પણ તેમણે જણાવ્યું છે.
મૃતકના ભાઈ જસુભાઈ ચૌધરીએ આ ઘટના અંગે શું જણાવ્યું? મૃતકના પ્રવીણભાઈ ચૌધરીના ભાઈ જસુભાઈએ જણાવ્યું છે કે, પ્રવીણભાઈ અહીં ખેતીકામ કરતા હતા અને 2 મહિના પહેલા કેનેડા તેઓ ફરવા માટે ગયા હતા. તેમણે કહ્યું કે, ભાઈ પાસે કેનેડા ફરવા જવાના વિઝા હતા તે અંગે તેમણે અમને જાણ કરી હતી. તેઓ કેનેડામાં હતા ત્યારે પણ અમારી સાથે વાત થતી હતી.
ભાઈ સાથે 15 દિવસ પહેલા વાત થઈ હતીઃ કેનેડામાં મોતને ભેટેલા પ્રવીણભાઈ ચૌધરીના ભાઈ જસુભાઈએ જણાવ્યું કે મારે તેમની સાથે 15 દિવસ પહેલા વાત થઈ હતી. એ સમયે તેઓ ટોરેન્ટોમાં હતા, પરંતુ આ દરમિયાન તેઓ અમેરિકા જઈ રહ્યા છે તેવી કોઈ વાત થઈ નથી. પ્રવીણભાઈની સાથે તેમના પત્ની અને બે બાળકો કેનેડા ફરવા માટે વિઝિટર વિઝા પર ગયા હતા. અમને એવા સમાચાર મળી રહ્યા છે કે તેઓ બોટમાં હતા અને તે નદીમાં ઊંધી થઈ જતા ડૂબી જતા તેમનાં મૃત્યુ થયા છે.
જસુભાઈએ જણાવ્યું કે તેમની ભાઈ પ્રવીણભાઈના સાથે વાત થતી હતી ત્યારે તેમણે જણાવ્યું હતું કે તેઓ ટોરેન્ટો, વિનિપેગ જેવા વિસ્તારમાં ગયા હતા. આ બનાવ અંગે પોતાની માંગ રજૂ કરતા જસુભાઈ જણાવ્યું કે, અમારી સરકાર પાસે એટલી જ માંગ છે કે અમારો પરિવાર તો જતો રહ્યો છે, એમના મૃતદેહ અમારા ઘર સુધી મળે કે જેથી અમે તેમના અંતિમ સંસ્કાર કરી શકીએ.
વધુમાં જસુભાઈએ જણાવ્યું કે, પ્રવીણભાઈ અમેરિકામાં ઘૂસણખોરી કરવા જઈ રહ્યા હતા તેવા સમાચાર સામે આવી રહ્યા છે. પરંતુ અમારી પાસે આ અંગે સચોટ વિગતો નથી. જો અમને ખબર પડશે કે આ કામ કોના દ્વારા કરવામાં આવ્યું છે તો અમે તેમનું નામ જાહેર કરીને તેમની સામે ફરિયાદ કરીશું. જેથી, કરીને આ રીતે અન્ય વ્યક્તિ ભોગ બને નહીં.
વધુમાં જસુભાઈએ જણાવ્યું કે, પ્રવીણભાઈ અમેરિકામાં ઘૂસણખોરી કરવા જઈ રહ્યા હતા તેવા સમાચાર સામે આવી રહ્યા છે. પરંતુ અમારી પાસે આ અંગે સચોટ વિગતો નથી. જો અમને ખબર પડશે કે આ કામ કોના દ્વારા કરવામાં આવ્યું છે તો અમે તેમનું નામ જાહેર કરીને તેમની સામે ફરિયાદ કરીશું. જેથી, કરીને આ રીતે અન્ય વ્યક્તિ ભોગ બને નહીં.